Një kompani kineze e teknologjisë është duke e shqyrtuar mundësinë e përkthimit të tingujve të kafshëve në një gjuhë që ne njerëzit mund ta kuptojmë me anë të Inteligjencës Artificiale.
Baidu, një nga kompanitë më të njohura në fushën e teknologjisë, ka paraqitur një patentë në Administratën Kombëtare të Pronësisë Intelektuale të Kinës që ka nxitur shumë diskutime. Kjo patentë lidhet me një sistem innovativ që mbledh të dhëna të ndryshme nga kafshët, duke përfshirë tingujt, sjelljet dhe sinjalet që ato emitojnë.
Procesi nis me mbledhjen e këtyre të dhënave të kafshëve, të cilat më pas do të përpunohen dhe analizohet nëpërmjet teknologjive më të avancuara të Inteligjencës Artificiale. AI do të jetë përgjegjëse për të identifikuar gjendjen emocionale të kafshës, duke u fokusuar në nuancat e tingujve të saj dhe sjelljeve përkatëse.
Si rezultat, këto gjendje emocionale do të përkthehen në fjalë që ne mund t’i kuptojmë, duke e bërë komunikimin mes nesh dhe kafshëve më të saktë dhe efikas. Sipas Baidu, ky sistem ka potencialin të përmirësojë ndjeshëm marrëdhënien tonë me kafshët, duke na ndihmuar të kuptojmë nevojat dhe ndjenjat e tyre.
Megjithatë, duhet theksuar se kjo teknologji është ende “në fazën e kërkimeve”. Ky njoftim nga Baidu ka shkaktuar gjithashtu reagime të ndryshme, ndërsa shumë njerëz shprehin optimizëm, por gjithashtu shqetësime mbi implikimet etike të një teknologjie të tillë.
Ideja e përkthimit të tingujve të kafshëve dhe përkundër rreziqeve të mundshme, vazhdon të magjepsë njerëzit. Historikisht, ka ekzistuar një interes i madh për të kuptuar komunikimin e kafshëve, ndonëse gjithmonë ka qenë një sfidë e madhe për shkencën.
Me avancimin e teknologjive të ndryshme, secili prej nesh mund të shpresojmë që kjo ëndërr do të bëhet realitet në një të ardhme të afërt. Potenciali për t’u krijuar një marrëdhënie më e fortë dhe më e kuptueshme me kafshët që na rrethojnë është diçka që do t’i jepte një domethënie tjetër mënyrës se si ne e perceptojmë natyrën.
E ardhmja mund të ofrojë një mundësi të re për të kuptuar kafshët shtëpiake, duke na ndihmuar të ndërtojmë një lidhje më të thellë dhe më empatikë me to. Ndërsa teknika e re e Baidu zhvillohet, do të jemi dëshmitarë të një epoke të re në komunikimin midis specieve.