Moderatorja e njohur Bora Zemani ka ndarë me ndjekësit e saj një moment shumë të veçantë për të dhe partnerin e saj, aktorin dhe artistin Donald Veshaj.
Në një postim në Instagram, Bora shfaqet krah Donaldit gjatë hapjes së një instalacioni artistik të tij, duke shprehur krenarinë dhe dashurinë që ndien për të.
Ky moment thekson lidhjen e fortë mes tyre dhe ndihmon në nxjerrjen në pah të talentit të Donaldit, i cili po fillon një rrugë të re në botën e artit.
“Jam shumë e lumtur që më në fund të gjithë po fillojnë të shohin pak nga arti yt!”, ka shkruar Zemani, duke e cilësuar këtë si instalacionin e parë të Donaldit, por jo të fundit.
Ajo theksoi se është e bindur se projekte të tjera do të pasojnë, falë talentit, përkushtimit dhe pasionit të tij, i cili është i dukshëm në çdo element të punës së tij.
Instalacioni mban titullin “Heart Remains”, dhe si i tillë, reflekton ndjenjat e thella dhe emocionet që e shoqërojnë Donaldit gjatë këtij procesi krijues.
Në foton e publikuar, çifti shfaqet buzëqeshës dhe i lumtur mes një turme të madhe njerëzish, duke përçuar një energji pozitive e mbështetje të ndërsjellë. Kjo ka sjellë një valë komentesh pozitive nga ndjekësit e tyre, të cilët e vlerësojnë këtë lidhje dhe mbështetje që Bora i ofron Donaldit në këtë kapitull të ri të jetës së tij.
Shihni këtë postim në Instagram