Ish finalistja e ‘Big Brother VIP Kosova’, Edona James, ka vendosur të thyejë heshtjen e saj pas një periudhe të gjatë larg qendrave të vëmendjes dhe rrjeteve sociale.
Ajo ka ndarë me ndjekësit e saj një lajm të rëndësishëm: aktualisht ndodhet në Gjermani dhe ndihet mirë.
Kjo ka shkaktuar një interes të jashtëzakonshëm mes fansave të saj, të cilët e prisnin me padurim të dinin se si është duke e kaluar këtë periudhë të veçantë në jetën e saj.
Arsyeja kryesore e largimit të Edonës nga Kosova dhe nga prezenca publike është lodhja nga presioni i vazhdueshëm mediatik. Ajo ka vendosur të tërhiqet nga ekranet për një kohë të pa caktuar, duke kërkuar një periudhë reflektimi dhe qetësie personale.
Në postimin e saj, Edona ka theksuar se ndjehet e çliruar nga tensionet e jetës publike.
Ajo beson se kjo është një mundësi për të kërkuar një identitet më të thellë dhe më autentik. Ky vendim është përshëndetur nga shumë fansa, të cilët e mbështesin atë në këtë udhëtim të saj personal.
