Në fund, Interi ia doli. Pas një gjysmëfinaleje epike në ndeshjen e kthimit, skuadra e Simone Inzaghit mundi 4-3 Barcelonën, pas barazimit 3-3 në ndeshjen e parë, duke u kualifikuar në finalen e madhe të Mynihut.
Feston e gjithë skuadra, feston edhe trajneri zikaltër, i përfshirë emocionalisht në pankinë dhe protagonist i një festimi të ndjerë pas golave të lojtarëve të tij. Kjo fitore historike shënon një moment të rëndësishëm në historinë e klubit, duke e çuar tifozët drejt ëndrrave të mëdha për të arritur majat në kompeticionin më prestigjioz evropian.
Ja fjalët e Inzaghit pas ndeshjes, i cili foli për “Sky Sport” për fitoren e jashtëzakonshme të Interit dhe kualifikimin në finalen e madhe: “Duhet t’i bëjmë komplimente edhe Barcelonës, sepse përballuam një skuadër vërtet të fortë. Ishte i nevojshëm një Inter super, super. Djemtë meritojnë çdo kompliment për paraqitjen e tyre.”
Duartrokitje për këta djem që këtu dhe në Barcelonë bënë dy paraqitje monstruoze, pa të cilat nuk do ta kishim arritur finalen. Ndihem shumë krenar dhe i lumtur që jam trajneri i tyre. Dhanë gjithçka që kishin. Edhe zëvendësimet na ndihmuan shumë. Është e drejtë që djemtë ta shijojnë këtë moment në stadiumin tonë, përpara njerëzve tanë.
Interi tregoi karakter dhe vendosmëri në çdo dhe përballje, duke vazhduar të rrisë presionin ndaj kundërshtarit. Djemtë ishin shembullorë. U thashë atyre se ndërrimet do të na ndihmonin. Duhej të përpiqeshim ta kufizonim një skuadër që nuk është aspak e lehtë për t’u ndalur. Kishim Lautaron, Thuram, Dumfries, dhe Frattesi. Me zemër kaluam çdo pengesë.
U përpoqëm të luanim me armët dhe cilësitë tona. E njihnim Barcelonën dhe pas ndeshjes së parë e kishim të qartë çfarë duhej bërë. Sidoqoftë, pa sakrificën dhe ndihmën e të gjithëve, kjo arritje nuk do të ishte e mundur. Pamë një Inter që dha zemrën dhe që nuk ishte kurrë mendjemadh, duke treguar një frymë kolektive që është enigma e suksesit tonë.
Trajneri zikaltër mbeti i impresionuar nga De Jong: “Është folur shumë për Yamal, por unë pashë një tjetër lojtar të jashtëzakonshëm, që dy vite më parë kundër nesh mungoi për shkak dëmtimi; De Jong. Më la përshtypje në nivelet e Yamal, kontrollon çdo top të dytë, është gjithmonë në pozicion të saktë, ndihmon mbrojtjen.”
Interi tani përgatitet për finalen e madhe në Mynih, ku do të përballet me një tjetër skuadër të fortë. Sfidat e mëdha po vijnë, por me këtë vetëbesim dhe format i shkëlqyer, skuadra e Inzaghit është gati të përballojë çdo pengesë që i del përpara në këtë rrugëtim të mrekullueshëm për titullin evropian.