Inspektorati Policor i Kosovës ka filluar hetimet ndaj tre zyrtarëve policorë.
Sipas IPK-së bazuar në një video të publikuar në media, ata dyshohet se janë në shoqërim të personave me të kaluar kriminale, shoqërim me personin e dyshuar për nxitje të vrasjes së ish-pjesëtarit të Policisë së Kosovës, Triumf Riza.
Lidhur me rastin është informuar Prokuroria e Shtetit.
Ndërkaq në interes të zhvillimit të hetimit IPK ka rekomanduar suspendimin e tre zyrtarëve policorë.
Veprimet e tjera hetimore do të ndërmerren sipas autorizimeve ligjore të IPK-së.
