Në një intervistë për Radar.al, ish-miku i artistit shqiptar njëkohësisht dhe ish-banori i “BBVA4” Jozefin Marku, këngëtari i njohur Labinot Rexha ka zbuluar se si miqësia e tyre e vjetër u shndërrua në “një armiqësi”.
Nga dy miq që së bashku performonin nëpër klubeve të natës në Zvicër te një distancim i papritur nga njëri-tjetri që përfundoi me një “unfollow” në Instagram dhe ofendime të shumta. Në një kohë kur shikuesit ndjekin me vëmendje çdo detaj nga jeta e banorëve të ‘BBVA4’, tensionet midis Rexhës dhe Markut kanë bërë jehonë edhe jashtë ekranit.
Teksa komentoi situatën e bujshme të ndodhur në prime-n e “BBVA4” që u kritikua gjerë e gjatë në rrjet, Rexha zbulon se i gjithë problemi i ish-mikut të tij, Jozefin Markut, qëndron tek pjesa e besimit fetar. Sipas tij, ky aspekt ka ndikuar fuqishëm në marrëdhënien e tyre, duke krijuar një ndasitë që as që mund të ishte menduar më parë.
“Jozefin Marku nuk e ka problemin me këndimin, sepse nuk e vlerësoj unë nëse ai është më i keqi apo më i miri. Ai e ka patur problemin gjithmonë me fenë. Edhe në diskotekë me aq se e kam njohur dhe kemi diskutuar ai e ka patur problem fenë islame,” u shpreh Rexha, duke theksuar se mosmarrëveshja shumë shpesh është e ndërlikuar nga ndjesitë e mbingarkuara të çdo personi në një ambient të tillë kaotik siç është ‘BBVA4’.
Më tej, artisti zbulon se ish-miku i tij, Jozefin Marku, e hoqi nga lista e shoqërisë në rrjet pasi u bë pjesë e “BBVA4”, edhe pse ishte ky personi që e përkrahu Jozin në rrugëtimin e tij në muzikë. Kjo e bën situatën edhe më të çuditshme dhe të ndjeshme për ata që kanë qenë dëshmitarë të miqësisë së dikurshme.
“Unë e kam përkrahur me gabimin e parë që ai ka bërë sepse për mua nuk është një person i keq. Nuk e meriton këtë gjë që bëri. Ai ishte në kulmin e karrierës së tij sepse mund të përfitonte më shumë nga pjesëmarrja në “BBVA4”, shtoi më tej këngëtari, duke reflektuar mbi humbjen e mundshme që Jozifi mund të ketë pësuar pas vendimeve të tij të papritura.
Labinot Rexha, duke u ndjerë i tradhtuar, tha: “Jozefini më ka hequr i pari followin pasi u fut në ‘BBVA4’ dhe më ka ofenduar shumë rëndë. Ai e din që nuk ka patur emër dhe nuk e ka njohur as fisi apo komshiu i tij që këndon. Dhe unë e kam ndihmuar shumë dhe kam folur fjalët më të mira te pronarët. Unë kam patur dhe kam emër më të madh se ai.”
Një situatë e tillë e ndihmoi Rexhën të reflektonte mbi dinamikat ndërmjet artistëve dhe ndikimin që fama e papritur mund të ketë në marrëdhëniet njerëzore. Në një botë ku social media luan një rol kyç, ndarjet dhe rikthimet shpesh ndodhin në mënyra që nuk mund të parashikohen.
Megjithatë, si përfundim, ai theksoi rëndësinë e miqësive të vërteta dhe se çfarë do të thotë të kesh mbështetje të sinqertë, veçanërisht në një industri kaq të pasigurt si ajo e muzikës. Le të shohim se si do të vazhdoj historia mes kësaj dyshje artistësh dhe nëse do të ketë një mundësi për pajtim në të ardhmen.
