Këngëtari i njohur shqiptar, Joz Marku, i njohur për zërin karakteristik dhe stilin e tij të veçantë, së fundmi ka tërhequr vëmendjen e publikut me një veprim që ka ngritur shumë pikëpyetje. Përmes një postimi në InstaStory, Jozi ndau një fotografi të një vajze misterioze, pa e zbuluar identitetin e saj dhe pa dhënë asnjë sqarim.
Ky postim vjen vetëm disa ditë pasi artisti kishte lënë të kuptohej se është në një lidhje dashurie, por kishte sqaruar se partnerja e tij nuk është një personazh publik. Kjo ka bërë që fansat dhe ndjekësit në rrjete sociale të shpërthejnë në komente e spekulime, duke u përpjekur të zbulojnë se kush është vajza që mund të ketë zënë vendin pranë zemrës së tij.
Disa ndjekës nuk kanë nguruar të e interpretojnë këtë si një “ciao” publike për Loredanën, me të cilën Joz Marku ishte përfolur në të kaluarën për një raport të afërt – ndonëse asnjëherë nuk ishte konfirmuar zyrtarisht ndonjë lidhje romantike mes tyre.
Nga ana tjetër, ka edhe nga ata që mendojnë se kjo foto është thjesht një tjetër veprim për të tërhequr vëmendje, siç shpesh ndodh në showbiz-in shqiptar. Pa ndonjë përshkrim apo shpjegim shtesë nga vetë Jozi, gjithçka mbetet në kuadrin e hamendësimeve.
Ajo që dihet me siguri është se emri i Jozit është sërish në qendër të mediave rozë, dhe fansat po presin me padurim të mësojnë më shumë për këtë histori të re dashurie – nëse vërtet ekziston. Deri atëherë, fotoja e vajzës së panjohur vazhdon të qarkullojë në rrjet, duke e mbajtur publikun të intriguar.
