Këngëtarja Barbana Dini, e njohur për emocionet e saj të thella në muzikë, sot përjeton një dhimbje të papërshkrueshme pas humbjes së njeriut më të shtrenjtë në jetën e saj.
Një humbje që e ka lenë atë të thyer dhe të shkatërruar shpirtërisht, siç shprehet vetë ajo.
Këtë mëngjes, ajo ndau ndjenjat e saj më të thella me ndjekësit e saj dhe në një postim emocional shkruan: “Miq, sot humba një nga njerëzit më të shtrenjtë në jetën time, shokun tim më të mirë… Ahhhh BAB.”
Barbana, e cila është një figurë e njohur në industrinë muzikore, më parë kishte përshkruar marrëdhënien e saj të veçantë me babain e saj.
Ai ishte heroi i saj, mësuesi më i mirë i jetës dhe një model drejtesie dhe mirësie për të gjithë ata që e njohën. Në mes të dhimbjes, këngëtarja thekson se ajo është krenare që ka pasur gjakun e tij dhe se lidhja e tyre ishte më shumë se një thjesht marrëdhënie babë-bijë.
“Fitove çdo betejë në jetën tënde, përveç asaj me dhimbjen…”, vazhdon ajo duke shprehur admirimin e saj për forcën dhe guximin e tij. Më tej ajo thekson se ai la pas një boshllëk të madh jo vetëm në jetën e saj, por edhe te të gjithë ata që e donin. Barbana e përshkruan atë si një njeri të madh, dhe ndjenjat e saj janë të shoqëruara me kujtime të bukura dhe mësime të rëndësishme për të.
Këngëtarja përfundon me një mesazh të prekshëm për babain e saj, duke i thënë: “Perqafoje fort Ergin! Të dua përtej jetës! “. Kjo shprehje e dashurisë e bën çdo njeri të reflektuar mbi lidhjet e tij më të afërta, duke kujtuar se si ngjarjet e tilla na prekin të gjithëve në mënyra të ndryshme.
