Mbrëmjen e djeshme, gjatë prezantimit të “Ferma VIP”, Luana Vjollca ka kapur vëmendjen e publikut me paraqitjen e saj elegante në një fustan të bardhë, por një detaj i veçantë në veshjen e saj ka nxit kritika dhe diskutime të shumta në rrjetet sociale.
Një numër i madh fotografish të ndara nga momenti kanë kapur një formë të pazakontë në pjesën e ijëve dhe vitheve të Luana Vjollcës, duke lënë shumë ndjekës me pikëpyetje.
Ky detaj ka bërë që disa të aludojnë se ajo mund të ketë përdorur mbushje për të theksuar më shumë format trupore, një praktikë që shpesh gjen vëmendjen në botën e showbizit.
Në mesin e komenteve, disa përdorues të rrjeteve sociale e kanë kritikuar këtë veprim, duke thënë se duhet të jetë e natyrshme dhe se përpjekja për të përmirësuar pamjen e jashtme me mjete artificiale mund të krijojë një mesazh të gabuar për publikun, veçanërisht për të rinjtë që e ndjekin.
Megjithatë, ka pasur edhe ata që e përkrahën dhe e konsideruan si një zgjedhje personale për të rritur vetëbesimin.
Luana Vjollca, një prej figurave më të njohura në mediat shqiptare, ka bërë emër me stilin e saj unik dhe shfaqjet e saj të shkelqyera. Sidoqoftë, më shumë se ndonjëherë, përballja me reagime të tilla në rrjet është bërë pjesë e pandashme e jetës së saj publike. Nga ana tjetër, ajo është një influencuese që ka ndihmuar shumë të rinj në mënyrën se si të shprehin veten dhe të ndjehen të sigurtë në lëkurën e tyre.
