Pas mbylljes së marrëveshjes me Brentford për Bryan Mbeumo për gati 80 milionë euro, Manchester United ka nisur aksionin për të transferuar një sulmues të ri.
Dëshira e madhe e “Djajve të Kuq” ka qenë filimisht Viktor Gyokeres dhe më pas Victor Osimhen, por të dy sulmuesit refuzuan mundësinë për t’u transferuar tek United.
Me kalimin e kohës, interesi i klubit për katër emra ka ardhur duke u rritur.
Treneri Ruben Amorim ka një listë me tre sulmuesë, njëri prej të cilëve do të transferohet me patjetër te “Djajtë” këtë verë.
Emri i parë në listë është senegalezi i Chelsea-s, Nicolas Jackson.
Për Jackson-in, londinezët kërkojnë plot 100 milionë euro, një shifër e konsiderueshme por që përfaqëson dëshirat strategjike të Manchester United.
Një tjetër opsion për të forcuar sulmin është edhe Benjamin Sesko.
Slloveni shkëlqeu sezonin e kaluar me Leipzig, duke shënuar 21 gola në 45 ndeshje dhe duke treguar se është një nga talentet më të spikatur në Evropë.
Optimi i tretë dhe po ashtu një emër i njohur në Premier League është Ollie Watkins.
Watkins vjen nga një sezon i vështirë në Aston Villa, ku luajti 54 ndeshje dhe shënoi 17 gola.
Megjithatë, ai duket gati për të nisur një aventurë të re në karrierën e tij, ndoshta te Manchester United.
Kjo është një periudhë intriguese për “Djajtë e Kuq”.
Me tre sulmues në radar, klubit i nevojitet vendim i shpejtë për të siguruar shërbimet e njërit prej tyre për të forcuar radhët për sezonin e ri.
Fanatikët e Manchester United shpresojnë se aksioni do të jetë i suksesshëm dhe që klubi do t’i rikthehet lavdisë së tij të dikurshme.
Çfarë mendoni për këto transferime të mundshme?
Mendimi juaj është shumë i rëndësishëm për ne, ndaj ju ftojmë të komentoni edhe ju në Facebook – bashkohu diskutimit!