Lionel Messi, një nga emrat më të njohur në historinë e futbollit, ka shprehur planet e tij për të vazhduar karrierën e tij befasuese edhe përtej moshës së tij aktuale. Ai ka konfirmuar se nuk ka ndërmend të tërhiqet dhe se po përgatitet për angazhimin e tij në Botërorin e ardhshëm në Shtetet e Bashkuara dhe Kanada.
“Të mund të them se kam arritur gjithçka në futboll është vërtet diçka e çmuar. Siç them gjithmonë, kam pasur fatin të fitoj gjithçka në nivel klubesh me Barcelonën dhe më pas edhe me kombëtaren”, deklaron Messi, duke reflektuar mbi një karrierë të jashtëzakonshme që e ka vendosur atë në majat e sportit.
Më tej, ai vazhdoi të ndante emocionet e tij rreth trofeve: “Trofetë janë diçka që mendoj se do ta vlerësoj më shumë me kalimin e kohës. Prandaj them gjithmonë se i jam shumë mirënjohës atij, për gjithçka që më ka dhënë. Po, Zoti më ka dhënë”. Këto fjalë dëshmojnë për vetëdijen e tij rreth rëndësisë së arritjeve dhe mirënjohjes që ndjen për ato që ka arritur në karrierën e tij.
Ai po ashtu pranoi se ëndrra e tij pas fitores së Kupës së Botës ishte të kthehej në Barcelonë, por kjo ëndërr nuk u realizua. “Pas Kupës së Botës, nuk e pashë veten duke luajtur për ndonjë ekip tjetër evropian përveç Barcelonës”, tha Messi, duke theksuar se paraqitja e tij në kampionatin evropian kishte qenë një objektiv personal dhe emocional.
“Qëllimi im ishte të kthehesha në shtëpinë time, aty ku filloi gjithçka. Por fatkeqësisht nuk ishte e mundur,” rrefeu ai, përpara se të kalonte drejt aventurave të reja në Amerikë. “Vendimi për të ardhur këtu ishte thjesht një vendim familjar. Ne erdhëm në Majemi, për të jetuar këtë përvojë të re”, theksoi Messi, duke shpjeguar se si vendimi për të lënë Europën për të jetuar në Shtetet e Bashkuara ishte i kërkuar për të dhe familjen e tij.
Me afrimin e ditëlindjes së tij të 38-të, Messi tregon se uria për të luajtur futboll mbetet e pandryshueshme. “Nuk kam asnjë dyshim që do të vazhdoj të luaj. Kjo natyrë nuk do të më braktisë kurrë, sepse është pjesë e imja. Kështu jam rritur. Më pëlqen të fitoj dhe të konkurroj,” thotë ai, duke treguar pasionin e tij të vazhdueshëm për këtë sport.
Gjithashtu, ai ka një kontratë që do të skadojë në fund të vitit 2025 dhe pranon se hapi i tij i ardhshëm do të jetë i lidhur ngushtë me Botërorin 2026. “Ky vit do të jetë i rëndësishëm për vendimin tim në lidhje me Kupën e Botës. Do të gënjeja nëse do të thoja se nuk po mendoja për të,” tha Messi, duke aluduar për mundësitë dhe sfidat që e presin.
Më shumë se një futbollist, Messi është një simbol i qëndresës dhe pasionit për sportin. Ai është një model për brezat e ardhshëm të futbollistëve, duke iu treguar se si ëndrrat mund të bëhen realitet me pune dhe përkushtim. Prandaj, me Botërorin e ardhshëm duke u afruar, fansat po presin me padurim të shohin se çfarë do të sjellë Messi në fushën e lojës.
Sa më shumë që kalon koha, aq më shumë rritet mitologjia e Messi. Ai jo vetëm që ka arritur të jetë një nga lojtarët më të mrekullueshëm të të gjitha kohërave, por ai gjithashtu po i jap një kuptim të ri nocionit të vazhdimësisë dhe përkushtimit në sport. Me çdo hap që hedh, ai frymëzon miliona njerëz në mbarë botën që të ndjekin pasionet e tyre, pavarësisht sfidave që mund të hasin në rrugën e tyre.