Web Analytics

Michael Owen ka një teori rreth kartonit të verdhë të Bruno Fernandes ndaj Bournemouth

Botuar nga: InfoKosova

Michael Owen ka ardhur me një teori rreth kartonit të verdhë që mori Bruno Fernandes në ndeshjen ndaj Bournemouth.

United u mposht me rezultat të thellë 3-0 në shtëpi ndaj Bournemouth me Fernandes që nuk arriti të ketë ndonjë ndikim në lojën e “Djajve të Kuq”.

Teksa po afrohej fundi i ndeshjes dhe United ishte në disavantazh prej tre golave, Fernandes mori karton të verdhë për shkak të një përleshje verbale me gjyqtarin.

Si pasojë e këtij kartoni, kapiteni i United nuk do të mund të luajë në derbin e vikendit të ardhshëm ndaj Liverpoolit, për shkak se ka plotësuar numrin e kartonëve të verdhë.

“Pyes veten se sa karton të verdhë ka marrë për shkak të mospajtimit me gjyqtarin”, ka thënë fillimisht Owen.

“Ndoshta nuk ju pëlqen të shkoni në Anfield. Unë nuk do të doja në këtë moment. Nuk jam i sigurtë se ju po mendoni për ndeshjen e ardhshme kur jeni të angazhuar në një ndeshje tjetër”, vazhdoi ai.

Tutje, Owen ka thënë se Fernandes duhet të jetë përgjegjës dhe një lider i skuadrës.

“Ai duhet të jetë përgjegjës, ai duhet të jetë një ambasador i mirë, një lider për skuadrën. Si një lojtar që nuk bën shumë ndërhyrje të ashpra, ai merr shumë kartonë”, përfundoi Owen.

Fernandes këtë sezon në Ligën Premier ka shënuar tre gola dhe ka bërë po aq asistime në 16 ndeshje të luajtura deri më tani.

RRJETET SOCIALE

1,162,113FansaPëlqeje
27,988NdjekësitNdjek
989NdjekësitNdjek
406AbonentëAbonohu

Të FUNDIT