Web Analytics

Na pret një jetë më e shtrenjtë, çmimet për ushqime dhe energji do të rriten

Botuar nga: InfoKosova

Zhvillimet globale mund të rëndojnë portofolët e njerëzve. Antonio Guterres, Sekretar i Përgjithshëm i OKB, theksoi: “Vendimi i Rusisë do të jetë një goditje për njerëzit në nevojë kudo”.

Moska bllokoi eksportimin e sigurtë të grurit nga Ukraina. Shteti i përfshirë nga lufta është përgjegjës për 10% të eksporteve të drithit në botë. Çmimi ne tregjet globale është rritur tashmë.

Ekonomisti John Leer tha: “Mendoj se do të rrisë inflacionin, veçanërisht në ato kategori të paqëndrueshme të ushqimit dhe energjisë”.

Ndërkohë, po rriten edhe çmimet për gazin dhe energjinë.

Kjo ndikohet edhe nga vendimi i Arabisë Saudite për të ulur prodhimin e naftës këtë verë.

Por, edhe Irani po shton një tjetër ndërlikim.

John Kirby, koordinator i Këshillit të Sigurisë Kombëtare i SHBA, shprehet: “Po kërcënon ndjeshëm SHBA-të dhe interesat globale”.

Pentagoni po vepron për të mbrojtur anijet tregtare në këtë ngushticë të rëndësishme.

Thekson se Irani i ka ngacmuar dhe sulmuar mjetet lundruese: “Kanë shqetësuar veçanërisht anijet e naftës, shumica e të cilave kalojnë përmes ngushticës së Hormuzit.

Është një pikë mbytëse për Lindjen e Mesme që ka ndikim në tregtinë globale”.

Kur çmimi për ushqimet dhe energjinë rritet, detyron Rezervën Federale që të ndërhyjë.

Po sinjalizohet një tjetër rritje e interesave këtë muaj, ndoshta edhe për muajin pasues./a2cnn/

==

Të FUNDIT