Në një ceremoni diplomimi të Akademisë së Forcave Ajrore të SHBA në Kolorado, presidenti amerikan Joe Biden u rrëzua në podium pas përfundimit të fjalimit të tij.
Videot tregojnë momentin kur presidenti amerikan shpërndan diplomat për anëtarët e Forcave Ajrore të SHBA-së dhe teksa përpiqej të dalë, ai u pengua dhe ra në skenë.
Biden u ndihmua nga zyrtarët e Forcave Ajrore dhe u ngrit shpejt në këmbë, duke përballur incidentin me sportivitet.
Zyrtarët në Shtëpinë e Bardhë deklaruan se Biden nuk pësoi asnjë lëndim dhe ndodhet në gjendje të mirë fizike.
Rrëzimi i tij ndodhi pasi ai u pengua në një thes me rërë. Edhe ish-presidenti amerikan Donald Trump komentoi këtë incident, duke shprehur shpresën që Biden të mos ishte i lënduar.
Mjekët konfirmuan se Biden gëzon shëndet të mirë dhe është në gjendje të kryejë detyrat e tij, duke vënë në dukje se ai ndjek një regjim shumë të mirë.
Ky nuk është hera e parë që presidenti amerikan rrëzohet gjatë eventeve ku ai merr pjesë.
Në qershorin e vitit të kaluar, ai u rrëzua nga biçikleta, ndërsa edhe në vitin 2021, ai ra nga shkallët e një avioni gjatë ngjizjes së tyre.
Gjendja shëndetësore e presidentit amerikan ka ngritur dyshime edhe nga disa demokratë, të cilët kanë shprehur opinionin se ai është shumë i vjetër për të kandiduar për një mandat të dytë.
Rrëzimet e shpeshta të presidentit janë bërë fokusi i kritikave nga kundërshtarët republikanë, përfshirë edhe Trump, të cilët besojnë se kjo tregon se ai është shumë i moshuar për të zbatuar detyrat e kësaj natyre.
Shiko Videon:
