Finalja e Champions League 2025 nuk është vetëm çështje taktike, talenti apo golash. Ajo është gjithashtu një përballje filozofish. PSG dhe Interi përfaqësojnë dy modele të kundërta të mënyrës se si konceptohet dhe menaxhohet një klub futbolli në elitën europiane.
PSG mbërrin në këtë finale me shifra gjigante: 790 milionë euro kosto të skuadrës, prej të cilave 659 milionë shkojnë për pagat. Edhe pse klubi parizien e ka ulur raportin e pagave ndaj të ardhurave në 82% (nga 109% në sezonin 2021/22), ai vazhdon të operojë në një shkallë të paarritshme për shumicën e rivalëve. Modeli i tyre i investimit pa limite ka ndihmuar në krijimin e një strkture që synon ndërlidhjen e globalitetit me suksesin sportiv.
Në anën tjetër, Interi është një shembull i denjë i rikthimit të fortë pas krizave ekonomike të njëkohshme. Kostoja e skuadrës zikaltër është më pak se gjysma e asaj pariziene: 309 milionë euro (nga të cilat 227 milionë janë paga), me një raport prej 57%, që përputhet me standardet e qëndrueshmërisë që kërkohet nga UEFA. Duke pasur parasysh kalimin nga humbje prej 239 milionë eurosh në sezonin 2020/21 në vetëm 27 milionë në 2023/24, Interi ka treguar se një menaxhim i përgjegjshëm është mundësia më e mirë për arritjen e suksesit afatgjatë.
Dy rrugë në merkato
Diferenca mes dy klubeve shfaqet edhe në strategjinë e tyre të transferimeve. PSG ka shpenzuar më shumë se 932 milionë euro që nga sezoni 2021/22, me një bilanc negativ prej mbi 500 milionësh. Edhe pas largimeve të Mbappé apo Neymar, klubi parizien ka vazhduar të investojë agresivisht, siç tregon edhe blerja e Kvaratskhelia për 70 milionë euro.
Interi në anën tjetër, ka qenë në një trajektore pozitive, duke arritur një bilanc pozitiv prej 116 milionë eurosh. Klubi ka shitur yje të rangut të lartë si Lukaku, Hakimi, dhe Onana, duke ri-investuar me mençuri dhe pa humbur konkurrueshmërinë e duhur. Kjo është finalja e dytë e Ligës së Kampionëve për ta në tri vite, duke treguar një konsekuencë për të arritur kulmin e suksesit. Një arritje që po e forcon reputacionin e tyre në arenën evropiane.
Skuadra me vlerë, por me distancë
Edhe vlera e tregut e skuadrave, sipas “Football Benchmark”, pasqyron dallimet mes tyre. PSG ka një skuadër me vlerë mbi 1.030 miliardë euro, e pesta më e vlefshme në Europë. Interi gjithashtu ka një vlerë në rritje, që aktualisht qëndron në 691 milionë euro, me një rritje prej 19% krahasuar me sezonin 2022/23, shqetësimi për qëndrueshmërinë dhe performancën kolektive bëhet gjithnjë e më i dukshëm në strategjinë e tyre sportive.
Një analizë më e thelluar e shpenzimeve zbulon që PSG ka investuar 688.32 milionë euro për formimin e skuadrës aktuale, me Kvaratskhelia si investimi më i madh. Ndërsa Interi ka shpenzuar 245.35 milionë euro, pra thuajse një të tretën e rivalit parizien, duke arritur suksesin pa nevojën për shuma të mëdha. Kjo skemë duket se është strategjia e re për të forcuar klubin dhe për të arritur sukses pas një periudhe të vështirë ekonomike.
Pronarë dhe strategji, Katari-SHBA
Përballja në fushë është edhe një betejë në zyrat drejtuesve. PSG vazhdon të jetë nën ombrellën e “Qatar Sports Investments”, një mirazhi të përcaktimit të fuqishëm të markës globale. Keto investime të mëdha i ofrojnë PSG-së qasje në kapital të pakufizuar dhe mundësinë për marrëveshje tregtare unike. Megjithatë, ky model është parë me sy kritik nga rregullatorët financiarë të UEFA-s, duke ngjallur shqetësime për rregullat e drejtësisë financiare.
Nga ana tjetër, Interi është nën kontrollin e “Oaktree Capital”, një fond amerikan investimi që po ndihmon në transformimin e klubit në një organizatë më të qëndrueshme. Kjo epokë e re ka sjellë një strukturë të qartë financiare, menaxhim strikte të shpenzimeve dhe një qasje afatgjatë të investimit, që e ka bërë Interin një shembull pozitiv për të tjerët në futbollin evropian.
Finalja e së ardhmes?
Përplasja në “Allianz Arena” nuk është vetëm një finale. Ajo është gjithashtu një vitrinë e mundësive për të parë se si mund të evoluojë futbolli europian. A do të mbijetoje një model racional dhe i ekuilibruar si ai i Interit përballë fuqisë financiare të një shteti si Katari? A do të jetë kjo finale një nënshkrim i efikasitetit, apo një konfirmim se paraja mbizotëron në sport?
Champions League 2025 do të jetë dëshmitare e një përplasjeje midis dy projekteve, dy modeleve ekonomike, dhe dy mënyrave për të ëndërruar majat e Europës në futboll.