Vitamina C mban fronin e ushqyesve më të nevojshëm për organizmin, imunitetin por edhe shëndetin e paraqitjes së lëkurës.
Kjo vitaminë, shërben si antioksidant dhe i jep lëkurës bardhësinë dhe shkëlqimin rinor e të shëndetshëm, thonë dermatologët. Ajo është një nga përbërësit më të vlefshëm në rutinat e kujdesit të lëkurës, me shumë përfitime që e bëjnë atë të domosdoshme për çdo lloj lëkure.
Një nga përfitimet kryesore të vitaminës C është aftësia e saj për të përmirësuar paraqitjen e lëkurës. Kjo vitaminë ndihmon në zvogëlimin e shenjave të para të plakjes, si dhe në zbutjen e njollave të shkaktuara nga ekspozimi i tepruar ndaj rrezeve ultravjollcë. Kjo është arsyeja kryesore përse vitamina C duhet të jetë patjetër pjesë e regjimit tuaj të bukurisë dhe kujdesit për lëkurën.
Në industrinë kozmetike, vitamina C njihet si acidi L-Ascorbic dhe është shumë e fuqishme si koncentrat që aplikohet direkt në lëkurë. Shumë produkte kozmetike ofrojnë kësaj vitamine një formë të përqendruar në serumet dhe kremrat, të cilat janë nënshtruar testeve të intensitetit dhe efikasitetit për të siguruar që ofrojnë rezultate të dukshme.
Serumet me vitaminë C
Serumet me vitaminë C duhet të jenë pjesë e rutinës suaj nëse dëshironi të mirëmbani dhe ushqeni lëkurën. Këto serume, në varësi të përmbajtjes së acidit L-ascorbic, ofrojnë shumë përfitime që ndihmojnë në ruajtjen e një lëkure të shëndetshme.
Rrudhat
Vitamina C është ajo që ju duhet nëse në fytyrën tuaj kanë dalë rrudhat apo edhe shenjat e para të moshës. Studimet kanë treguar se aplikimi i vitaminës C në lëkurë në formë e një serumi ju mbron nga dëmet e shkaktuara prej diellit, rigjeneron lëkurën dhe neutralizon radikalet e lira. Kjo ndihmon që lëkura të duket më e re dhe më e shëndetshme.
Gjallëria
Ekspozimi afat-gjatë ndaj rrezeve ultravjollcë shkakton shumë probleme në lëkurë. Aplikimi çdo ditë i një serumi me vitaminë C e mbron lëkurën dhe i jep gjallëri asaj. Studimet konfirmojnë se në vetëm tre muaj aplikimi të rregullt të kësaj vitamine, lëkura është plot jetë, me një teksturë të mrekullueshme, pa njolla, pa skuqje dhe paraqitje rinore.
Hidratimi
Lëkura ka përgjithësisht shumë etje dhe domosdoshmërisht vëmendje. Ajo përbëhet nga 64 përqind ujë dhe ka nevojë të hidratohet. Për këtë ju shërben vitamina C e cila e hidraton lëkurën dhe pengon tharjen apo yndyrosjen e tepërt të saj. Kjo ndihmon në ruajtjen e një balancimi të shëndetshëm të lagështisë në lëkurë.
Elasticiteti
Vitamina C si serum nxit prodhimin e kolagjenit në lëkurë. Kjo proteinë është përgjegjëse për lëkurën e mbledhur, elastike dhe të shëndetshme. Duke qenë se trupi prodhon gjithnjë e më pak kolagjen me kalimin e moshës, kjo vitaminë është e domosdoshme për të ngadalësuar plakjen dhe për të siguruar elasticitetin e lëkurës tuaj.
Inflamacioni dhe hiperpigmentimi
Nëse lëkura juaj ka tendencën të skuqet, të irritohet dhe të mbushet me puçra, gjasat janë që keni të bëni me inflamacion, infeksion apo reagim imunitar. Cilido qoftë shkaku, vitamina C, zbeh dhe zbut simptomat e inflamacionit në lëkurë. Hiperpigmentimi ndodh kur trupi prodhon shumë melaninë, duke bërë që lëkura të ketë një ngjyrë të pabarabartë. Vitamina C mundëson që lëkura të ketë një ton të njëtrajtshëm dhe të shëndetshëm.
Si ta përdorni serumin e vitaminës C
Në formën e serumit, vitamina C përthithet shumë mirë nga lëkura. Serumi duhet të bëhet pjesë e rutinës suaj të mëngjesit sepse do ju mbrojë nga radikalet e lira gjatë ditës. Fytyra duhet larë mirë në mëngjes, më pas duhet të aplikoni tonikun dhe më pas serumin me vitaminë C. Pas aplikimit të serumit, duhet të vendosni kremin ushqyes në fytyrë dhe në fund kremin kundër diellit. Kjo rutinë do t’ju ndihmojë të mbani lëkurën tuaj të shëndetshme dhe të re.