Fama ndërkombëtare e Rita Orës është bërë objekt i një debati të tensionsuar në Londër, ku fqinjët e saj shprehin shqetësim për planet e rinovimit të shtëpisë së saj.
Këngëtarja shkodrane, e cila bleu një pronë historike në veri të Londrës për 7.5 milionë paund (8.6 milionë euro) në vitin 2021, po përballet me probleme me fqinjët e saj.
Duke u klasifikuar si një ndërtesë e mbrojtur (Grade II), shtëpia e saj ka tërhequr vëmendjen e shumë banorëve të tjerë në zonë, të cilët tashmë janë ankuar për aktivitetet e saj rinovuese.
Përmes një projekti të ri, arkitekti i Rita Orës ka propozuar ndërtimin e një palestre në oborrin e ulët të pronës.
Ky lajm ka shkaktuar alarm mes fqinjëve, të cilët janë të shqetësuar për mundësitë e zhurmave dhe humbjes së privatësisë që mund të pësojnë nga ky investim.
Një grup i organizuar banorësh nga një bllok apartamentesh aty pranë kanë dorëzuar një ankesë të përbashkët për nismën e saj.
Dokumenti i tyre, i lexuar me shumë shqetësim, thekson se “banorët që zgjodhën këtë zonë për qetësinë e saj, nuk duhet të detyrohen të jetojnë me ndriçim artificial, zhurma të amplifikuara apo humbje të privatësisë”.
Ata shtojnë gjithashtu se, pavarësisht premtimit për izolim akustik, dyert e mëdha rrëshqitëse që priten të instalohen sugjerojnë se mund të ketë muzikë dhe zëra me volum të lartë në çdo moment të ditës.
Një tjetër aspekt i ankimit është se në një pronë ngjitur ekziston një rregull strikt që ndalon grumbullimet e mëdha dhe festat, pikërisht për të ruajtur qetësinë dhe respektin mes banorëve.
Ankesa thekson se ky propozim minon marrëveshjen për ruajtjen e paqes dhe rrezikon të sjellë konflikte, ankesa dhe madje procese gjyqësore.
Një banor i prekur madje ka shprehur shqetësimin nëse ndërtimi i palestrës do të ndikojë në habitatin e kafshëve të natyrshme si katrat dhe dhelpra që jetojnë aty pranë.
Ndërkohë, Rita, këngëtarja me origjinë shqiptare, është përpjekur të sigurojë se palestra e saj do të jetë plotësisht e izoluar nga zhurmat e jashtme.
Pavarësisht tensioneve të shtuara, Rita vazhdon të shprehë angazhimin e saj për të mbajtur një dialog me fqinjët dhe për të adresuar shqetësimet e tyre.
Një gazetë e njohur ka ironizuar situatën duke thënë se nëse do të isha Rita, do të vendosja një skulpturë gjigante në fund të kopshtit për ta acaruar edhe më shumë situatën.
Çfarë do të ndodhë tani? A do të arrijnë Rita dhe fqinjët e saj të gjejnë një zgjidhje që kënaq të dyja palët, apo tensionet do të vazhdojnë të rriten në këtë histori të pazakontë të një këngetareje dhe fqinjëve të saj të shqetësuar?