Koha pas ndarjes duket se ka shërbyer si një periudhë reflektimi dhe rilindjeje për Selvijen, e cila tani po e ndjek një rrugë të re në jetën e saj.
Në një postim të saj të fundit në Instagram, ajo ka ndarë një mesazh të fuqishëm që ka tërhequr vëmendjen e publikut, duke u interpretuar si një “thumb” për ish-partnerin, këngëtarin Shpat Kasapi.
“Kjo ditëlindje më gjeti në një qetësi dhe paqe absolute, të nevojshme prej shumë kohësh për mua. E festova me njerëz që më duan sinqerisht dhe e dinë sa vlejë. Është shumë bukur të rrethohesh me njerëz që të duan thjesht për atë që je!” – shkruan Selvija, duke theksuar rëndësinë e lidhjeve të sinqerta.
Ajo vazhdon të shprehë se tani është “arkitektja e jetës së saj” dhe se nuk pranon më “manipulime, gënjeshtra e tradhti”, fjalë që për shumë ndjekës janë interpretuar si një mesazh i koduar për Kasapin, me të cilin lidhja e saj përfundoi mes thashethemeve për probleme të shumta.
Selvija gjithashtu ndalet tek roli i saj si nënë, duke theksuar se prioriteti i saj mbetet djali i saj, Roeli. “Roeli do të rritet në një shtëpi të qetë, të ngrohtë dhe me dashuri. Do t’i mësohet çfarë do të thotë të kesh parime dhe respekt për veten,” shkruan ajo, duke theksuar rëndësinë e edukatës pozitive.
Postimi i saj përmban gjithashtu një mesazh të qartë se kjo ditëlindje nuk ishte si çdo tjetër, por një kapitull i ri në jetën e saj, ku shumë pak njerëz do të kenë akses. “Jo çdokush meriton të hyjë në jetën e dikujt që kërkon sinqeritet, respekt dhe qetësi shpirtërore,” thekson ajo, duke shprehur nevojën për mbrojtje emocionale.
Selvija shpreh gjithashtu mirënjohje për çdo gjë të vogël në jetë, duke u shfaqur më e fortë dhe më e vendosur se kurrë për të mos e humbur veten. Ky mesazh i fuqishëm është komentuar gjerësisht nga ndjekësit, të cilët e kanë përgëzuar për forcën dhe guximin e saj.
Shumë prej ndjekësve besojnë se fjalët e saj janë një thumb i hapur ndaj Shpat Kasapit, duke lënë të nënkuptohet se ajo tashmë është e lirë dhe po jeton më e qetë se kurrë. Ky postim është një dëshmi e forcës së saj dhe një thirrje për të gjithë ata që përballen me sfida të ngjashme.