Nuk është thjesht stereotip: shumë burra (shumë!) janë rritur me idenë se terapia është “për ata që s’janë mirë”
Kjo është jo vetëm e gabuar, por edhe e rrezikshme për çdo marrëdhënie që përballet me sfida. Qëllimi i terapisë është të ndihmojë individët dhe çiftet të përballen me shqetësimet e tyre, të zhvillojnë një komunikim më të mirë dhe të krijojnë një lidhje më të fortë. Ndërsa burra shpesh ndjehen të frikësuar nga idea e terapisë, është thelbësore të kuptojmë se ky hap mund të sjellë përfitime të mëdha për të dy partnerët.
Nëse ti e di që diçka nuk shkon dhe ai nuk pranon të hapë gojën për ta përmirësuar, atëherë duhet të veprosh ndryshe. Ashtu siç është e rëndësishme për të hequr të gjitha stigma që lidhen me terapisë, eshte gjithashtu e nevojshme të krijosh një mjedis ku ai mund të ndjehet rehat dhe i sigurt për të shprehur ndjenjat e tij. Psikologia klinike Jonice Webb liston disa mënyra se si mund ta bindësh partnerin të ulet përballë një terapisti – jo si “fajtor”, por si pjesë e një skuadre që po përpiqet të fitojë.
1. Siguroje që terapia nuk është një ferr i frikshëm. Shumë burra e shohin terapinë si një kuti që kur e hap, del gjithë kaosi i botës. Disa mendojnë se “nëse s’flas për problemet, ato s’ekzistojnë”. Jepi siguri që terapia nuk është për t’u grindur, por për të kuptuar njëri-tjetrin si partnerë, jo si armiq. Duhet të theksohet se terapistët janë aty për t’i ndihmuar ata të gjejnë një rrugë përpara, duke u fokusuar në zgjidhjet dhe jo në problemet.
2. Ndihmoje të përballet me ndjenjat (të tuat dhe të tijat). Burrat kanë ndjenja. Plot. Por janë rritur me idenë që s’duhet të flasin për to. U duket sikur ndjenjat janë të çuditshme, të papërshtatshme, madje edhe të rrezikshme. Përdor fjalë të tilla si “unë ndiej” për të hapur një dialog më të hapur dhe për të sjellë ndjenja të sigurta. Rithekso se edhe ai profesionist është aty për ta bërë këtë proces më të lehtë dhe më të këndshëm.
3. Zbulo çfarë e pengon. Ndoshta ai s’e sheh problemin që ti po e përjeton çdo ditë. Ndoshta vjen nga një familje që nuk fliste për emocionet dhe nuk e kupton rëndësinë. Në një bisedë, trego se çfarë ndihesh dhe si ndikon kjo në marrëdhënien tuaj. Kjo mund të ndihmojë që ai të bëhet më i ndjeshëm ndaj situatës suaj dhe t’i hapë rrugë një diskutimi më produktiv.
4. Prezanto shqetësimet e tua, jo “gabimet e tij”. Si një partner, rëndësia e komunikimit është thelbësore. Mos ia numëro problemet si në gjyq. Fol me kujdes dhe pa gjuhë akuzuese. Përdor fjalë si: “Unë ndiej se…”, jo “Ti gjithmonë…” apo “Ti kurrë…”. Qëllimi është të tregosh që dëshiron ta përmirësosh marrëdhënien për të dy, jo ta fajësosh. Kjo mënyrë e komunikimit do t’i japë mundësi atij të ndjehet më i hapur dhe të mirëkuptohet.
5. Merr përgjegjësitë e tua. Kur ti pranon gabimet apo sjelljet e tua të paqëllimshme, ai do ta shohë se terapia nuk është “salla e gjyqit për burrat”, por një hapësirë për të dy. Jep shembuj dhe tregoni se se si ti po punon për të përmirësuar vetveten. Kjo do ta stimulojë atë për të ndjekur të njëjtin shembull dhe të bëhet më i hapur për terapinë.
6. Pyete për dyshimet e tij dhe dëgjo me vëmendje. Kur ai të tregojë pse nuk do të shkojë, mos e ndërprit. Duhet të jesh e hapur për dëgjimin e frikave dhe shqetësimeve të tij. Kjo do ta ndihmojë atë të ndjehet i vlerësuar dhe i respektuar, duke e bërë atë më të gatshëm për të biseduar për mundësitë e terapisë.
7. Jepi siguri me “garanci personale”. Kur bëhet fjalë për terapi, ndonjëherë është mirë të ofrosh siguri. Thoni diçka si: “Të premtoj që s’do të të vë në siklet para terapistit.” ose “Nëse ndihesh keq gjatë seancës, ma thuaj dhe ndalojmë.” Kjo lloj garancie do të ndihmojë në lehtësimin e frikës që ka ai në fillim të procesit.
8. Jep një ultimatum të butë (nëse duhet). Nëse pas gjithë përpjekjeve s’ka asnjë ndryshim, thuaji me kujdes: “Nëse vërtet do që kjo lidhje të funksionojë, kemi nevojë për terapi.” Kjo tregon se je e gatshme për të punuar, por gjithashtu e ke të qartë se e duash këtë marrëdhënie dhe je e gatshme të bësh përpjekje.
9. Dhe nëse prapë nuk funksionon… Po, ndodh. Dhe në këtë pikë duhet të mendosh për veten tënde. Ti ke të drejtë të kërkosh një lidhje të shëndetshme dhe të rritesh emocionalisht bashkë me partnerin. Nëse ai s’është gati të përballet me veten, ndoshta duhet të përballesh ti me të vërtetën. Terapi është një akt dashurie dhe mbështetje, jo një dënim. Në fund të ditës, nëse ai të do, do të të dëgjojë; nëse jo – atëherë është koha që ti të dëgjosh veten tënde.