Francesco Totti, legjenda e futbollit italian, ka ndarë mendimet e tij lidhur me idhujt e tij të sportit gjatë një eventi të veçantë që zhvilloi Iliad. Ish-kapiteni i Romës shfaqi admirim të madh për dy figura të njohura: Diego Maradona në futboll dhe Roger Federer në tenis, duke i cilësuar ata si sportistë që janë të papërshtatshëm për planetin tonë.
Gjatë ngjarjes “Meet & Greet”, Totti tregoi me humor për dëshirat e tij profesionale: “Nëse nuk do të bëhesha futbollist, do të kisha qenë pompist, sepse më pëlqen aroma e benzinës,” tha ai me qeshje. Pavarësisht shakasë, ai shprehu se kishte një dëshirë të madhe për t’u bërë tenist. “Idhulli im, por edhe ai i shumëkujt, ishte Federer, njësoj si Maradona për futbollin. Ata janë sportistë që nuk i përkasin këtij planeti,” shtoi Totti.
Një nga pyetjet që iu bë Tottit ishte për ndjenjën që ndien kur emri i tij përmendet në të njëjtën frymë si ai i Maradonës. Ai me modesti tha: “Nuk dua as të krahasohem me të. Maradona është futbolli vetë, ndërsa të tjerat janë dytësore.” Kjo dëshmon për respektin dhe adhurimin që Totti ka për legjendat e sportit.
Të pyetur për titullin në Itali, ai shprehu mendimin se Interi është favorit, veçanërisht pas rezultateve të fundit. “Interi ose Napoli. Nëse duhet të zgjedh një? Interi është favorit në këtë moment,” u shpreh ai me siguri.
Francesco Totti gjithashtu ndau një reflektim mbi përvojën e tij si futbollist. Ai e asocionte disponimin e tij në fushë me një ditë të plotë emocionuese. “Një ndeshje nuk fillon në minutat e fundit përpara se të dalësh në fushë, ajo fillon një ditë më parë. Unë zbrisja në fushë për t’u kënaqur,” tha Totti duke theksuar përkushtimin e tij për sport.
Dashuria e tifozëve, sipas tij, është me të vërtetë e jashtëzakonshme. “Tani është edhe më e madhe. Mendoja se pas 7-8 vitesh nga fundi i karrierës do të zvogëlohej, por përkundrazi është shtuar. Nuk kam jetë private, por është diçka e mrekullueshme,” tregoi Totti për lidhjen e tij me fansat.
Për momentet më të vështira të karrierës së tij, Totti kujton lëndimet dhe pengesat e tjera që u duhej t’i kapërcente: “Në 25 vite kisha shumë pengesa dhe lëndimi ishte më i vështiri,” tha ai. Megjithatë, ai e pa këtë si një mundësi për të u rikthyer më i fortë.
Pjesa më e madhe e bisedës ishte për të ardhmen e tij. “Nuk e mendoj, jetoj ditë pas dite. Çfarëdo që të ndodhë… Nëse do të bëj diçka, do ta bëj me dëshirën dhe pasionin maksimal,” u shpreh ai, duke theksuar rëndësinë e jetës në momentin aktual.
Një moment i veçantë për Tottin ishte kur një tifoz i tij iu afrua dhe i puthi këpucët, diçka që e la atë të befasuar: “Më e çuditshmja ishte kur dikush më puthi këpucët. Nuk e prisja.” Kjo tregon për afeksionin e thellë që tifozët kanë për të.
Kur u pyet për stadiumin ku i pëlqente më shumë të luante në transfertë, ai përmendi “San Siro”. “Kur shkoja atje, më shanin shumë, por ishte ndryshe, dukej si diçka e këndshme. Kishte respekt, sidomos kur luaja kundër Milanit”, tha ai me nostalgji.
Përfundimisht, Totti tha se çdo ndeshje ishte për të një mundësi për të mbajtur lart emrin e Romës dhe për të kënaqur tifozët. “Kur je tifoz kaq i zjarrtë dhe kaq pasionant për këtë klub, është diçka tjetër,” tha ai duke reflektuar mbi përgjegjësinë e tij si kapiten. Ai shtoi se shpreson që së shpejti do të ketë një pasardhës që do t’i ngjajë atij në pasionin për lojën. “Mungon Totti, shpresoj që një ditë të kem një pasardhës,” mbylli ai me humor.