Reperi i njohur shqiptar, Viktor Palokaj, i njohur për publikun si Unikkatil, ka prekur ndjekësit me një postim të ndierë në rrjete sociale.
Ai ka ndarë një fotografi nga fëmijëria me vëllain e tij të ndjerë, Mentor Palokaj, i cili u nda nga jeta në muajin mars të këtij viti.
Në foton ku shihen dy vëllezërit të vegjël, Unikkatil ka shkruar: “Do plagë nuk shërohen kurrë”, një fjali e shkurtër por plot dhimbje, që ka prekur zemrat e fansave të tij.
Humbja e Mentorit ka lënë gjurmë të thella në jetën e reperit, i cili rrallëherë ndan momente të tilla kaq personale me publikun.
Reperi, i njohur për tekstet e tij të forta dhe energjinë që sjell në skenë, për herë të parë tregon një anë më të ndjeshme të tij.
Ky dedikim është një dëshmi e madhe se si humbja e një të afërmi të dashur mund të ndikojë tek çdo njeri, pavarësisht statusit të tij publik.
