Aktori i njohur i humorit Elvis Pupa ka bërë një reagim të fortë pas lajmit tronditës që sugjeron se ai është në kërkim nga autoritetet australiane në lidhje me një rast të kultivimit të kana*bisit.
Pas informacionit të shpërndarë nga mediat vendase dhe australiane, Pupa, i njohur për rolet e tij komike, ka dalë publikisht për të përgënjështuar akuzat, përshkruan ato si të pavërteta dhe keqdashëse. Ai ka sqaruar se është në Tiranë prej më shumë se një muaji, duke vijuar angazhimet e tij artistike në Shqipëri dhe Evropë.
Pupa, në një postim në rrjetet sociale, ka theksuar se, “Dua ta bëj shumë të qartë: prej më shumë se një muaji ndodhem në Tiranë, ku po zhvilloj angazhime të rregullta profesionale, të planifikuara në Shqipëri dhe më gjerë në Europë. Çdo përpjekje për ta paraqitur këtë situatë ndryshe është një manipulim i pastër i informacionit, një keqinterpretim i qëllimshëm që synon të bëjë lajm aty ku nuk ka asgjë të jashtëzakonshme.”
Aktori shprehet se është i shqetësuar për mënyrën se si lajmi është deformuar, duke rikujtuar se çdo tentativë për të abuzuar me jetët e tjerëve për arsye sensacionalizmi është e papranueshme. “Fatkeqësisht, kemi parë një keqpërdorim të rëndë të lajmit, ku deformimi ka marrë vendin e të vërtetës. Jetët tona janë publike, por kjo nuk i jep askujt të drejtën të abuzojë me dinjitetin e njerëzve,” nënvizon Pupa.
Ai gjithashtu adreson situatën e bashkëshortes së tij, Belina Pupa, e cila sipas tij është e lirë dhe vazhdon aktivitetin e saj profesional. “E gjithë situata që po trajtohet aktualisht është pjesë e një procesi ligjor që është ende në zhvillim; siç është shprehur edhe ajo vetë, i takon drejtësisë të flasë e fundit,” thotë ai në deklaratë.
Reagimi i Pupës ka theksuar gjithashtu rëndësinë e respektimit të privatësisë dhe dinjitetit të individëve në media. “Nuk është e drejtë të manipulohen informacionet dhe të abuzohet me jetën e individëve vetëm për të rritur shikueshmërinë,” ka theksuar ai. Në një botë ku informacioni shpërndahet me shpejtësi, është më se e domosdoshme që gazetarët të veprojnë me etikë dhe përgjegjësi.
Pupa ka falënderuar gjithashtu të gjithë ata që kanë ofruar mbështetje për të dhe për familjen e tij gjatë kësaj periudhe të vështirë. “Jeta vazhdon normalisht, me punën dhe përgjegjësitë tona të përditshme. Ne do të përballemi me çdo situatë me qetësi, transparencë dhe respekt për të vërtetën. Faleminderit për mirëkuptimin dhe mbështetjen që shumë prej jush na kanë treguar,” përfundon aktori në deklaratën e tij.
Kujtojmë se raportimet nga mediat australiane sugjerojnë se në pronën e cila është në qendër të hetimeve, janë zbuluar 43 bimë kana*bisi dhe një lidhje e paligjshme me rrjetin elektrik. Situata është bërë më e komplikuar për shkak të aktivizmit të bashkëshortes së tij, e cila është paraqitur përballë gjykatës dhe ndodhet në një proces gjyqësor.
