Edicioni i tretë i Big Brother VIP Kosova duket se po vjen më shpejt se që po prisni.
Producentja Olsa Muhameti së fundmi në një intervistë për “SOL” ka dhënë më shumë detaje rreth këtij formati.
E njëjta thekson se tashmë është gati gjithçka, kasti është mbyllur dhe se të gjithë janë të kënaqur me të.
Mes tjerash, autorja e “Përputhen” njofton se ky sezon do të fillojë në javën e parë të tetorit.
“Kasti është mbyllur dhe është fantastik.
Të gjithë jemi të kënaqur me kastin.
Edhe pak jemi gati të dhurojmë spektakël siç Big-u i Kosovës bën gjithmonë.
Ajo që është e sigurt se do të fillojmë në fillim të tetorit.
Më herët se që ka nisur vitin e shkuar”, u shpreh ajo.
Muhameti tutje shtoi: “Kështu që i gjithë publiku të bëhet gati për të filluar këtë eksperiencë fantastike si për ne që e bëjmë si produksion, si për ata banorët që do të jenë brenda shtëpisë më të famshme të Kosovës por edhe më gjerë, por edhe publiku, i cili do të jetë aty për të gjykuar për të reflektuar, për të votuar etj”.
U zbulua gjithashtu se Alaudin Hamiti do të jetë edhe sivjet në moderim të reality shou-t.
