Instituti Hidrometeorologjik i Kosovës (IHK) ka njoftuar se sot janë regjistruar temperatura jashtëzakonisht të larta në territorin e Kosovës.
Sipas matjeve nga Rrjeti Shtetëror i Stacioneve Meteorologjike, disa qytete kanë shënuar vlera rekorde të temperaturave që nuk janë regjistruar më parë.
Rekordi i temperaturave më të larta u shënua në Han të Elezit, ku maksimalja ka arritur në 41.6 gradë Celsius.
Temperaturat e larta përbëjnë një shqetësim të madh për shëndetin dhe sigurinë e qytetarëve. Ato rrisin rrezikun e ndodhisë së goditjeve nga nxehtësia, tharjes dhe çrregullimeve të tjera shëndetësore.
Ministria e Shëndetësisë ka dhënë disa rekomandime për qytetarët se si të mbrohen nga këto temperatura ekstreme.
Ministria rekomandon që institucione publike dhe private të marrin masa mbrojtëse të përgjithshme dhe specifike ndaj ekspozimeve në temperatura të larta.
Një prej rekomandimeve është shmangia e punës në ambient të jashtëm nga ora 11:00 deri në 16:00, kur rrezet e diellit janë më intensive.
Gratë shtatzëna, sipas rekomandimeve, duhet të lirohen nga puna gjatë kësaj kohe, përveç nëse kushtet kërkojnë ndryshe.
Personat me sëmundje kronike gjithashtu duhet të punojnë me orar të shkurtuar, duke mos tejkaluar 4 orë në ditë për të zvogëluar rrezikun e problemeve shëndetësore.
Përveç kësaj, Ministria ofron këshilla të tjera, si përshtatja e orareve të punës, krijimi i zonave për freskim dhe siguria e ujit të ftohtë në vende të punës.
Ajo që është e rëndësishme është informimi i qytetarëve për mënyrat e mbrojtjes nga nxehtësia, përfshirë këshilla si shmangja e qëndrimit jashtë dhe konsumimi i ujit për të parandaluar dehidratimin.
Të gjithë qytetarët duhet të tregojnë kujdes të veçantë ndaj të moshuarve dhe fëmijëve, duke u siguruar se ata kanë qasje në hapsira të freskëta dhe ujë të mjaftueshëm.
Shëndeti i qytetarëve është prioritet, dhe ndihma e gjithsecilit është e nevojshme për të përballuar këto temperatura ekstremisht të larta.
Më në fund, qytetarët duhet të janë të vetëdijshëm për rrezikun që paraqesin temperaturat e larta dhe të ndihmojnë njëri-tjetrin për të mbijetuar këto ditë të nxehta.
Komento edhe ti në Facebook – bashkohu diskutimit!
