Sot, një nga emrat më të njohur dhe më me ndikim në muzikën shqiptare, Noizy, feston ditëlindjen e tij të 39-të. Reperi, i cili prej vitesh ka ndërtuar një karrierë të jashtëzakonshme, është kthyer në një figurë ikonike jo vetëm për skenën muzikore, por edhe për kulturën urbane shqiptare.
I lindur më 27 shtator 1986 në Shqipëri, Noizy (Rigels Rajku) u bë i njohur fillimisht si pjesë e skenës së freestyle-it dhe betejave të rrugës, por shumë shpejt talenti, energjia dhe karizma e tij e veçantë e shndërruan në një nga reperët më të dashur dhe më të suksesshëm në trojet shqiptare.
Me dhjetëra hite, miliona klikime dhe një bazë fansash që e ndjek nga mbarë bota, Noizy sot është një artist që ka tejkaluar kufijtë e Shqipërisë dhe Kosovës, duke bashkëpunuar me emra ndërkombëtarë dhe duke sjellë gjithmonë projekte që bëhen të dëgjuara kudo.
Përveç muzikës, ai është edhe një sipërmarrës i suksesshëm dhe themelues i label-it OTR (On Top Records), i cili ka mbështetur dhe promovuar shumë talente të reja në industrinë muzikore.
Në ditën e tij të veçantë, rrjetet sociale janë mbushur me urime dhe mesazhe nga fansat, kolegët dhe miqtë, të cilët i urojnë jetë të gjatë, shëndet dhe suksese të tjera edhe më të mëdha.
Edhe pse 39 vite janë një shifër e madhe, Noizy vazhdon të mbetet po aq energjik dhe kreativ si në fillimet e tij, duke dëshmuar se arti i tij është i pandalshëm dhe se ai do të mbetet një prej ikonave më të mëdha të muzikës shqiptare./InfoKosova/
