Një nga çiftet më të njohur të showbiz-it shqiptar, Klea Huta dhe Elgit Doda, janë në qendër të vëmendjes për shkak të zërave të fundit që flasin për një ndarje të mundshme.
A është kjo fundi i një historie dashurie që ka mbushur ekranet dhe zemrat e fansave?
Aludimet për një krisje në marrëdhënien e tyre kanë filluar të qarkullojnë prej disa javësh, duke ngritur pyetje mbi stabilitetin e lidhjes së tyre dyvjeçare.
Mediat rozë kanë raportuar se Elgiti mund të ketë filluar një raport të ri me një vajzë tjetër, duke shtuar më tej spekulimet.
Një nga shenjat më të dukshme që ka ngritur dyshime është mungesa e tyre në evente publike dhe në rrjetet sociale.
Të dy ata nuk janë parë së bashku për një kohë të gjatë, gjë që ka bërë që fansat të pyesin nëse diçka e rëndë po ndodh mes tyre.
Postimi më i fundit i Kleas në “Instagram” ka shtuar edhe më shumë konfuzion.
Ajo ndau një pjesë teksti nga një këngë me fjalë të thella, që shumë e interpretuan si një mesazh i koduar për Elgitin, duke e bërë situatën edhe më misterioze.
Vargjet e publikuara nga Klea përmbajnë një ndjenjë të thellë humbjeje dhe nostalgjie, duke e bërë të qartë se ndjenjat e saj janë të komplikuara.
“Do të mungojnë buzët e mia, si buzë greminë, ku qëndroje. Do të mungojnë duart e mia, ku trupin tënd lëshoje,” shkruan ajo, duke lënë të kuptohet se ndarja mund të jetë e vërtetë.
Megjithatë, as Klea dhe as Elgiti nuk kanë bërë ndonjë reagim publik për të konfirmuar ose mohuar këto zëra. Heshtja e tyre ka shtuar më shumë spekulime dhe ka lënë fansat në pritje të një përgjigjeje.
Para disa ditësh, Klea duket se u përpoq të shuajë zërat për ndarjen duke publikuar një sërë fotosh ku vëmendjen e mori unaza e diamantit, dhuratë nga Elgiti në ditëlindjen e djalit të tyre. A është kjo një përpjekje për të treguar se gjithçka është në rregull mes tyre?
Me gjithë këto zhvillime, mbetet për t’u parë se çfarë do të ndodhë me këtë çift të njohur.
A do të dalin ata përpara publikut për të sqaruar situatën, apo do të vazhdojnë të mbeten në heshtje? Komentet dhe mendimet tuaja janë të mirëpritura!
