Përplasja mes gazetarit Elton Tozaj dhe moderatores Luana Vjollca ka marrë nuanca të rrezikshme, duke kaluar nga akuzat verbale në mesazhe të koduara me armë zjarri.
Pas deklaratave të forta të Tozajt në MCN, ku ai akuzoi Luanën për përndjekje dhe kërkoi llogari për lidhjet e saj të përfolura me subjekte të SPAK-ut dhe persona në kërkim, moderatorja ka bërë një reagim të fortë në Instagram.
Ajo ka publikuar një foto në “Instastory”, ku shfaqet një person me fytyrë të mbuluar me një “klaketë” filmi, i veshur me kapuç, i cili mban në dorë një pistoletë duke ia drejtuar objektivit.
Ky imazh vizualisht agresiv është shoqëruar me tekstin paralajmërues: “Mos luani me zjarrin, se digjeni pastaj.”
