Interi ka arritur një fitore të jashtëzakonshme në ndeshjen e tij ndaj Pisës, duke e transformuar një fillim të frikshëm në një përmbysje të pabesueshme.
Gjatë ndeshjes, “Neurazzurët” u përballën me një situatë të vështirë, pasi mysafirët e Pisës shënuan dy gola të shpejtë, duke e lënë Interin në një pozitë të vështirë që në fillim të lojës.
Stefano Moreo hapi rezultatin për Pisën pas vetëm 11 minutash, duke përfituar nga një gabim të rëndë të portierit Yan Sommer, i cili nuk arriti të menaxhojë një top të thjeshtë.
Pas kësaj, Moreo shënoi edhe golin e dytë pas një asistimi të Matteo Tramoni, duke e dyfishuar epërsinë e Pisës në minutën e 23-të, duke lënë tifozët e Interit në një gjendje paniku.
Megjithatë, pas këtyre dy goditjeve, Interi u rikthye në lojë dhe filloi të tregonte forcën e tij. Në minutën e 39-të, ata fituan një penallti, të cilën e shndërroi në gol Piotr Zielinski, duke e ngushtuar diferencën në 2-1.
Dy minuta më vonë, Lautaro Martinez shënoi me kokë pas një harkimi të saktë nga DiMarcos, duke barazuar rezultatin në 2-2 dhe duke rikthyer shpresat për tifozët e Interit.
Pas barazimit, Interi vazhdoi të sulmonte dhe përmbysja e madhe erdhi nga Pio Esposito, i cili shënoi golin e tretë pas një asistimi të shkëlqyer nga Bastoni në minutën e 45+2.
Goli i katërt erdhi nga Thuram, i cili shënoi me një vollej të mrekullueshëm pas një tjetër asistimi të DiMarcos, ndërsa fitoren e vulosi Ange-Yoan Bonny në minutën e 86-të, me Henrikh Mkhitaryan që realizoi golin e pestë në minutën e fundit të ndeshjes.