“Big Brother VIP Albania” ka bërë një njoftim të papritur që ka tronditur fansat dhe banorët e shtëpisë, duke anuluar televotimin aktual pas përjashtimit të Kristi Lamajt.
Ky vendim i papritur ka ngritur shumë pyetje mbi dinamikat e lojës dhe të ardhmen e banorëve të tjerë.
Njoftimi u bë publik përmes një Zarfi të Zi, i cili mbërriti në shtëpinë më të famshme në Shqipëri gjatë mëngjesit të sotëm.
Atmosfera ishte e tensionuar, ndërsa banorja Brikena lexoi mesazhin e “Vëllait të Madh”, duke zbuluar vendimin e rëndësishëm për të gjithë ata që ndjekin reality show-n.
“Banorë, Vëllai i Madh ju njofton se Kristi Lamaj është përjashtuar përfundimisht nga gara. Televotimi aktual anulohet”, ishte mesazhi zyrtar që shkaktoi reagime të menjëhershme mes banorëve, të cilët ishin të befasuar nga ky zhvillim.
Ky vendim ka sjellë një valë reagimesh brenda shtëpisë, pasi përjashtimi i Kristit ka ndodhur pas një sërë situatash të diskutueshme që e kanë shoqëruar atë gjatë qëndrimit të tij. Banorët kanë filluar të spekulojnë mbi pasojat që do të ketë ky vendim në marrëdhëniet e tyre.
Kujtojmë se vetëm javën e kaluar, Kristi kishte tentuar të largohej nga shtëpia duke kaluar murin rrethues, një veprim që kishte sjellë një largim të përkohshëm nga gara. Publiku kishte vendosur t’i jepte një mundësi të dytë, duke e rikthyer në shtëpi dhe duke e lejuar të vazhdojë garën.
Megjithatë, pavarësisht kësaj shanse të dytë, produksioni ka vendosur përjashtimin përfundimtar të tij, duke i dhënë fund rrugëtimit të tij në “Big Brother VIP Albania”. Anulimi i televotimit është një hap i papritur që ka lënë shumë fansa të habitur.
