Me ndeshjen Poloni–Shqipëri që zhvillohet në Varshavë më 26 mars, tifozët shqiptarë përballen me një sërë sfidash dhe rregullash që duhet t’i ndjekin për të garantuar një eksperiencë të sigurt dhe të këndshme. Çfarë duhet të dinë ata për të shijuar këtë ngjarje sportive?
Federata Polake e Futbollit ka njoftuar FSHF-në për një sërë informacionesh të rëndësishme për tifozët shqiptarë që do të udhëtojnë drejt Varshavë. Këto udhëzime janë të domosdoshme për të siguruar një organizim të suksesshëm dhe për të shmangur çdo problem gjatë ndeshjes.
Policia polake ka lejuar përdorimin e pikës së grumbullimit te Monumenti i Sirenës pranë lumit Vistula, ku tifozët shqiptarë do të mblidhen për të garantuar sigurinë e tyre. Ky vend do të shërbejë si një pikë takimi për të gjithë ata që kanë biletë për ndeshjen.
Orari i hapjes së stadiumit
- Dyert e stadiumit hapen në orën 18:45.
- Ndeshja nis në orën 20:45.
- Tifozët këshillohen të mbërrijnë sa më herët për të shmangur radhët dhe për të mos humbur fillimin e ndeshjes.
- Mos sillni me vete bagazhe apo çanta të mëdha që nuk janë të nevojshme.
Hyrja e tifozëve shqiptarë në stadium
- Hyrja e dedikuar për tifozët e Shqipërisë është Gate 10, në anën verilindore të stadiumit.
- Pas kontrollit të parë të sigurisë, tifozët duhet të ndjekin hyrjen L, sipas biletës.
- Personat me aftësi të kufizuara këshillohen të përdorin Gate 1.
Si të shkoni në stadium
- Stadiumi ndodhet rreth 3.2 km nga qendra e qytetit dhe rekomandohet përdorimi i transportit publik.
- Mund të shkoni me metro, tramvaj, autobus ose tren urban.
- Distanca në këmbë nga qendra është rreth 35 minuta.
- Stacionet më të afërta janë Rondo Waszyngtona dhe Aleja Zieleniecka.
Parkimi për tifozët shqiptarë
- Tifozët që udhëtojnë me makinë ose autobus kanë një zonë parkimi të dedikuar pranë stadiumit.
- Parkimi ndodhet në rrugën Sokola, me hyrje nga rrugët Wybrzeże Szczecińskie dhe Zamoście.
- Çdo automjet duhet të vendosë në xham një fletë A4 me shkronjën “A”.
Transporti publik falas ditën e ndeshjes
- Bileta e ndeshjes shërben edhe si biletë transporti publik falas në Varshavë.
- Transporti falas është i vlefshëm nga ora 06:00 e mëngjesit deri në 01:00 pas mesnate.
- Përtej këtij orari duhet të blihen bileta normale.
Rregullat e sigurisë në stadium
- Tifozët dhe sendet personale mund të kontrollohen nga policia dhe stafi i sigurisë.
- Duhet të ndiqni gjithmonë udhëzimet e stafit të stadiumit.
- Uluni në vendin që tregohet në biletë dhe përdorni hyrjen e përcaktuar.
Objektet e ndaluara në stadium
Ndalohet hyrja me:
- Fishekzjarre, flakadanë, tymuese apo çdo mjet piroteknik.
- Shishe, kanaçe ose objekte qelqi.
- Alkool apo substanca narkotike.
- Materiale raciste, politike ose propagandistike.
- Shtylla flamujsh të forta ose më të gjata se 1 metër.
- Spray, substanca të ndezshme ose korrozive.
- Kamera profesionale me lente të mëdha.
- Çanta të mëdha, valixhe apo objekte më të mëdha se 25x25x25 cm.
- Megafonë, vuvuzela, pajisje zhurmuese.
- Laser, topa ose dronë.
Kujdes në qytet
- Si në çdo qytet të madh, tifozët duhet të jenë të kujdesshëm me sendet personale për të shmangur vjedhjet.
Rekomandime për tifozët shqiptarë
- Autoritetet polake paralajmërojnë se ekziston rrezik për përplasje mes grupeve huliganësh, ndaj tifozët shqiptarë duhet të tregojnë kujdes maksimal gjatë qëndrimit në Varshavë.
- Tifozët këshillohen të lëvizin në grupe dhe të shmangin zonat e izoluara në qytet.
- Për arsye sigurie rekomandohet që simbolet apo ngjyrat kombëtare shqiptare të mos mbahen jashtë stadiumit.