Një muaj e gjysmë ka kaluar që kur jeta e Eronitës, bashkëshortes së këngëtarit Blero, mori një drejtim të ri dhe emocionues.
Ajo ka ndarë me ndjekësit e saj një set të veçantë fotografish, duke shprehur ndjenjat e saj për ardhjen në jetë të djalit të tyre, Areej Darrian Muharremi.
Rrëfimi i saj është një udhëtim emocional që përfshin çdo aspekt të përvojës së saj si nënë e re.
Eronita e fillon këtë dedikim me një reflektim të thellë mbi rrugëtimin e saj: “Nga ato dy viza në testin e shtatzënisë e deri te ky moment sot… 9 muaj të mbushur me emocione të ndryshme, frikë, lumturi, dhimbje dhe lutje për çdo gram shtesë. Ishte një periudhë e gjatë pritjeje, por gjithashtu një kohë e mbushur me bukuri dhe dashuri — derisa më në fund mbërrite.” Ajo e sheh këtë periudhë si një përgatitje për dashurinë e përjetshme që do të ndante me djalin e saj.
Për të, kalimi nga pritja e ëmbël në realitetin e të qenit nënë është ende një përvojë e pabesueshme. Ajo shprehet: “Është e vështirë të besosh se një minutë je shtatzënë dhe në tjetrën, një njeri i vogël fle pranë teje.
E shikon me orë të tëra dhe numëron gishtat e duarve dhe të këmbëve pa pushim.” Kjo përvojë e ka bërë atë të ndiejë një gëzim të thellë, shpesh duke qeshur me lot për këtë mrekulli të jetës.
Eronita vazhdon të ndajë emocionet e saj, duke theksuar se çdo moment me djalin e saj është një dhuratë e çmuar. “Gjëja më e bukur që na ka ndodhur ndonjëherë.
Një djalë i vogël që na ktheu botën përmbys, por e bëri atë më të bukur se kurrë më parë,” shkruan ajo, duke reflektuar dashurinë e thellë që ndjen për të birin.
Përfundimi i dedikimit të saj është një shprehje e thellë e besimit dhe dashurisë: “Të betohem, këtë skenë e kam parë në ëndrrat e mia.” Kjo frazë përmbledh gjithë emocionet dhe përvojat e saj si nënë, duke e bërë atë të ndjehet e plotësuar dhe e lumtur në këtë fazë të re të jetës së saj.” /Prive By Liberta Spahiu