Përgatitjet për edicionin e pestë të “Big Brother VIP Kosova” janë në zhvillim e sipër, dhe diskutimet rreth përzgjedhjes së banorëve janë bërë më intensive se kurrë më parë.
Moderatori i njohur Alaudin Hamiti ka hedhur një sinjal të rëndësishëm për fansat, duke zbuluar një detaj intriguese rreth një prej banorëve që pritet të bëhet pjesë e shtëpisë së “BBVK 5”.
Kur një ndjekës e pyeti nëse mund të zbulojë ndonjë informacion për një banor të ri, Hamiti u përgjigj me një fjalë të thjeshtë: “Në rregull… zhigolo”. Kjo deklaratë ka ngjallur menjëherë kureshtje dhe spekulime në mesin e fansave.
Edhe pse emri dhe identiteti i këtij personazhi mbeten të panjohura, ky informacion është një nga të parët që del në dritë për edicionin e ri. “Big Brother VIP Kosova” është njohur për kastin e tij të larmishëm, duke përfshirë figura me histori dhe profesione të ndryshme.
Në edicionet e kaluara, programi ka sjellë në vëmendje tema dhe personazhe që shpeshherë kanë qenë të pazakonta për televizionin, duke e bërë atë një spektakël të veçantë.
Një shembull i tillë është Alby, e cila u bë e njohur për rolet e saj në industrinë e filmave për të rritur para se të hynte në “BBVK 2”.
Megjithatë, për edicionin e pestë, ende nuk ka një datë zyrtare të nisjes. Alaudin Hamiti ka bërë të ditur se pritet që programi të fillojë gjatë vjeshtës, duke lënë hapur mundësinë për surpriza të tjera.
Një tjetër pikëpyetje mbetet edhe studioja ku do të zhvillohen netët “Prime”. Hamiti nuk ka dhënë detaje të plota, duke lënë të hapur mundësinë për ndryshime në hapësirën e programit.
Tani, fjala “zhigolo” është sinjali i parë i dhënë për kastin e “BBVK 5”, ndërsa identiteti i këtij personazhi intriguese vazhdon të mbetet një mister i pazbuluar.
