Lady Gaga, një nga artistet më të njohura të muzikës, duket se ka filluar një aventurë të re në jetën e saj personale, duke u bërë nënë për herë të parë. Këngëtarja 40-vjeçare dhe i fejuari i saj, Michael Polansky, janë raportuar se kanë mirëpritur një foshnjë në jetën e tyre.
Ky lajm emocionues u publikua fillimisht nga “Page Six”, e cila ka siguruar disa fotografi të bukura ku Gaga dhe Polansky shihen duke shëtitur në Kaliforninë Veriore, të shoqëruar nga foshnja e tyre të vogël.
Deshira e Lady Gaga për të krijuar një familje nuk është diçka e re. Ajo ka folur hapur për këtë dëshirë në disa raste. Në vitin 2019, ajo shprehu planet e saj për të ardhmen, duke thënë: “Dua të bëj më shumë filma, dua të kem fëmijë”.
Një vit më vonë, në një intervistë për “InStyle”, ajo theksoi: “Jam shumë e emocionuar për të pasur fëmijë. Mezi pres të bëhem nënë”. Edhe në tetor të vitit 2025, gjatë një intervistë në “The Late Show with Stephen Colbert”, ajo e përmendi mëmësinë si një nga rolet më të rëndësishme që shpresonte të merrte në jetë.
Gaga dhe Polansky janë në një lidhje që nga viti 2020, dhe fejesa e tyre u bë publike në vitin 2024. Ata kanë zgjedhur të mbajnë jetën e tyre private larg vëmendjes së tepërt mediatike, duke u fokusuar në ndjenjat e tyre dhe në krijimin e një familjeje të lumtur.