Një ditë pas shpalljes së aktgjykimit të Dhomave të Specializuara të Kosovës, Klestor Veseli, djali i Kadri Veselit, ka ndarë mendimet e tij në rrjetet sociale, duke zbuluar emocionet dhe mendimet e tij për situatën e krijuar.
Aktgjykimi i shpallur më 16 shtator ka sjellë një dënim të rëndë për ish-kryeparlamentarin, i cili është dënuar me 18 vjet burgim. Ky vendim ka shkaktuar reagime të forta në Kosovë dhe jashtë saj.
Klestor Veseli ka ndarë me ndjekësit e tij se natën para shpalljes së vendimit, ai e kaloi pranë familjes, duke theksuar rëndësinë e mbështetjes familjare në këto momente të vështira.
Duke folur për ndjenjat e familjarëve të ish-drejtuesve të UÇK-së, ai ka theksuar se frika e tyre nuk ka ardhur nga drejtësia, por nga politika e ndërlikuar që rrethon këtë rast.
“As unë, as familja ime, as familja e axhit Hashim, as ajo e bacës Jakup, e as ajo e axhës Rexhë nuk jemi frikësuar nga drejtësia, por nga politika”, ka shkruar ai, duke shprehur besimin se procesi i apelit do të sjellë një korrigjim të vendimit.
Veseli ka shprehur besimin e tij në sistemin perëndimor, duke thënë se ata do të vazhdojnë të besojnë se Apeli do të korrigjojë këtë vendim, i cili sipas tij është i mbushur me padrejtësi dhe politikë.
“Përballë kësaj padrejtësie, ne vazhdojmë të besojmë në botën perendimore, vazhdojmë të besojmë se Apeli do e korrigjoj këtë vendim kaq të zhytur me politike dhe padrejtësi, komplet kundër vlerave që përfaqëson bota e perendimit”, ka përfunduar ai.
Reagimi i plotë:
