Kerem Bürsin, një nga aktorët më të njohur të Turqisë, ka rikthyer vëmendjen e mediave me një histori të re romantike që ka ngjallur kureshtje të madhe.
Spekulimet rreth një lidhjeje të mundshme mes tij dhe aktorës Lizge Cömert kanë filluar të qarkullojnë pas bashkëpunimit të tyre në serialin “Çarpıntı”.
Diferenca e konsiderueshme e moshës mes dy aktorëve, ku Kerem është rreth 14 vjet më i madh se Lizge, ka shtuar edhe më shumë interesin për këtë histori.
Megjithatë, deri më tani asnjë nga ata nuk ka konfirmuar zyrtarisht një lidhje, duke lënë hapur mundësinë për spekulime të tjera.
Në anën tjetër, një detaj interesant ka dalë në pah në rrjetet sociale: Kerem dhe ish-partnerja e tij, Selin Yağcıoğlu, nuk e ndjekin më njëri-tjetrin në Instagram.
Kjo lëvizje vjen disa muaj pas përfundimit të lidhjes së tyre dhe ka rikthyer vëmendjen te historia e tyre e kaluar.
Me këto zhvillime, emri i Kerem Bürsin është sërish në qendër të mediave rozë turke, duke pritur me interes nëse do të ketë ndonjë konfirmim për këtë romancë të re nga vetë aktori.