Elijona ka bërë një deklaratë të rëndësishme, duke konfirmuar për herë të parë se lidhja e saj me Klodin ka përfunduar.
Dyshimet për ndarjen e tyre filluan kur ata hoqën njëri-tjetrin nga lista e ndjekësve në rrjetet sociale, ndërsa Elijona fshiu gjithashtu fotografitë e përbashkëta që kishte me Klodin. Këto veprime ngritën pikëpyetje mes fansave të tyre.
Pas këtyre ndryshimeve, ndjekësit e tyre filluan të spekulojnë për një ndarje të mundshme. Megjithatë, deri tani, asnjëri prej tyre nuk kishte bërë një deklaratë publike për statusin e lidhjes së tyre.
Me vendimin për të folur publikisht, Elijona ka shprehur dëshirën që ndarja e saj të mos bëhet një temë diskutimi e vazhdueshme në media.
“Pasi nuk dua që lidhja ime të jetë temë e lajmeve apo e pyetjeve, por edhe për shkak të korrektësisë ndaj të gjithë atyre që na kanë mbështetur gjatë gjithë kësaj kohe, doja ta bëja publike se unë dhe Klodi tashmë nuk jemi më në lidhje”, ka shkruar ajo në një postim.
Elijona ka theksuar se shumë njerëz e kanë ndjekur rrugëtimin e saj dhe se ajo gjithmonë ka përpiqur të tregojë respekt dhe mirënjohje ndaj atyre që e kanë mbështetur.
“Ndonjëherë dy njerëz zgjedhin të vazhdojnë rrugët e tyre veçmas, edhe kur dikur kanë ndarë shumë bashkë”, ka thënë ajo, duke shprehur respekt për përvojat e tyre të përbashkëta.
Në përfundim, Elijona ka bërë të qartë se nuk ka ndërmend të flasë keq për ish-partnerin e saj, duke zgjedhur të ruajë privatësinë dhe dinjitetin e të dyve.
“Ju falënderoj të gjithëve për dashurinë dhe mbështetjen. Unë do të vazhdoj përpara me qetësi, mirënjohje dhe respekt për veten”, ka përfunduar ajo.
