Një nga momentet më emocionuese dhe më të komentuara në historinë e “Big Brother VIP” mbetet pa dyshim rrëfimi i sinqertë i ish-banorit Eni Tare, i cili preku zemrat e të gjithë publikut me historinë e tij familjare.
Gjatë qëndrimit në shtëpinë e famshme në edicionin e dytë, Eni hapi zemrën për fëmijërinë e vështirë, duke zbuluar sakrificat e mëdha që i është dashur të bëjë që në moshë të vogël për të mbijetuar.
Ai tregoi mes dhimbjes se ishte rritur në një ambient të tensionuar, ku babai i tij kishte probleme të vazhdueshme me alkoolin, gjë që shpesh çonte në situata të dhunshme brenda familjes.
Për t’i dalë krah nënës dhe për të përballuar vështirësitë ekonomike, Eni zbuloi se kishte nisur punë shumë herët, duke bërë gjithçka, nga kamerier dhe larës i pjatave e deri te punëtor në ndërtim.
Kulmi i emocioneve u arrit kur ai takoi nënën e tij brenda shtëpisë, një takim që përloti shikuesit.
Por, ajo që befasoi më shumë ishte forca e tij e karakterit; pavarësisht të kaluarës së hidhur, Eni gjeti forcën të kërkonte një përshëndetje publike edhe për babain e tij, duke dhënë një mesazh të fortë faljeje.