Prezantuesi i njohur i Big Brother VIP Kosova, Alaudin Hamiti, ka zgjuar kureshtjen e ndjekësve me një publikim të fundit në rrjetet sociale, i cili ka nxitur reagime të shumta mes fansave të formatit.
Në fotografinë e shpërndarë nga ai shihet një kafiteri me emrin “Nysa”, një emërtim që publiku i BBVK-së e lidh menjëherë me mënyrën se si Alaudini i është drejtuar shpesh banorëve gjatë spektaklit.
Krahas imazhit, prezantuesi ka vendosur një pyetje të shkurtër, por që ka mjaftuar për të ngjallur diskutime të shumta: “A ju ka marrë malli?”.
Postimi është interpretuar nga ndjekësit si një kujtim nostalgjik për aventurat, debatet dhe emocionet që kanë karakterizuar edicionet e Big Brother VIP Kosova ndër vite.
Brenda pak minutash, komentet e fansave kanë vërshuar në rrjetet sociale, me shumë prej tyre që kanë shprehur dëshirën për rikthimin e formatit dhe përjetimin e emocioneve që ka sjellë spektakli.
Edhe pse Alaudin Hamiti nuk ka dhënë ndonjë mesazh shtesë lidhur me publikimin, fotografia ka mjaftuar për të rikthyer në vëmendje një nga formatet më të ndjekura televizive në Kosovë.
Me kalimin e viteve, Big Brother VIP Kosova ka krijuar një komunitet të madh fansash, ndërsa çdo referencë ndaj spektaklit vazhdon të zgjojë interes të madh tek publiku.
