Një debat i nxehtë është ndezur pas një deklarate të fundit nga aktori Fatos Kryeziu, i cili në një emision televiziv theksoi se burri duhet të jetë dominues në shtëpi, duke e quajtur veten “alfa”.
Kjo pohim ka shkaktuar reagime të shumta, përfshirë një kritikë të ashpër nga gazetari Adriatik Kelmendi.
Kelmendi, përmes një postimi në Facebook, shprehu indinjatën e tij ndaj deklaratave të aktorëve, duke i quajtur ata “burra t’leshit”. Ai theksoi se ishte e papranueshme që dy individë të poshtërojnë gratë e tyre dhe të tjerët në një kohë kaq të shkurtër, duke e bërë këtë në emër të një ideologjie të gabuar.
“Burra t’leshit! E shikova një sekuencë 2:02 minuta të gjatë të një emisioni televiziv. Zor të ketë mundësi që për aq pak kohë dy persona të zgjedhin t’i poshtërojnë nënat e veta, gratë e veta, motrat, gjyshet, shoqet, koleget aq shumë,” shkroi Kelmendi, duke e theksuar absurditetin e pohimeve të tyre.
Ai vazhdoi me kritika të tjera, duke e quajtur bisedën e tyre një “tragjedi mazohiste”. Kelmendi shprehu shqetësimin se këto ideologji të vjetra vazhdojnë të mbizotërojnë në shoqërinë tonë, duke e bërë të vështirë për gratë të kenë një zë të barabartë.
“Paramendojeni! – hiç më pak se leshi,” shtoi ai, duke e theksuar se këto ide janë të bazuara në një superioritet të pavend dhe të paarsyeshëm të burrave mbi gratë.
Për Kelmendin, ishte e papritur që aktorët nuk e kuptuan se biseda e tyre kishte një ton satirik dhe se duhej të merrej si një shaka. Ai shprehu zhgënjimin se ata e kishin marrë seriozisht, duke e bërë situatën edhe më të trishtueshme.
“Duke dashur ta poshtërojnë gjysmën e popullatës njerëzore, e poshtëruan veten,” përfundoi ai, duke theksuar se është koha që të gjithë të reflektojnë mbi rolin e tyre në shoqëri dhe të luftojnë për barazinë gjinore.