Një moment emocional ka ndodhur brenda shtëpisë së Big Brother VIP Kosova 4, ku banorja Benita Azemi është parë duke qarë në dhomën e gjumit.
Pamjet treguan një situatë të ndjeshme, ku ajo shfaqej e ulur, ndërsa lotët i rridhnin në fytyrë.
Pranë saj ishte Alba, e cila u përpoq ta qetësonte dhe e pyeti për arsyet që e kishin prekur kaq shumë.
Mes emocionit, Benita tregoi se ishte ndier e lënduar nga disa batuta të bëra ndaj saj nga banorët e tjerë, të cilat ishin pritur me të qeshura.
Sipas saj, ndjesia e përqeshjes dhe mungesa e mbështetjes në atë moment e bënë të shpërthente në lot.
Ky moment ngjalli reagime të menjëhershme në rrjetet sociale, ku fansat ndanë mendimet e tyre: disa e mbështetën Benitën duke theksuar se batutat e tepruara mund të prekin ndjeshmëritë e dikujt, ndërsa të tjerë kërkuan më shumë kujdes dhe empati nga banorët.
Për më shumë detaje, ndiqni videon e mëposhtme: (VIDEO)