Publikimi i projektit të tij më të fundit muzikor, “Rrëfim”, ka shkaktuar një valë reagimesh në rrjet, duke e bërë atë një nga temat më të diskutuara të momentit.
Me një stil të veçantë dhe një mesazh të thellë, Bes Kallaku ka arritur të kapë vëmendjen e ndjekësve të tij, të cilët e kanë interpretuar këngën si një rrëfim të brendshëm.
Kjo këngë është parë si një reflektim i jetës së tij personale, duke ngjallur kuriozitet për përmbajtjen e saj.
Aludimet për një “diss” të mundshëm ndaj ish-bashkëshortes së tij, Xhensila Myrtezaj, kanë qarkulluar në rrjet, duke e bërë këtë projekt edhe më intrigues. Por, Besi ka vendosur të flasë hapur për këtë çështje, duke e sqaruar situatën për ndjekësit e tij.
Në një status të gjatë në Instastory, ai ka shpjeguar se ky projekt është një reflektim i vërtetë i tij, pa asnjë maskë. “Në këtë projekt kam qenë vetëm unë. Pa maska. Pa skenar. Vetëm unë dhe e vërteta ime,” ka shkruar ai, duke falënderuar publikun për mbështetje.
Përgjigjja e tij për ata që mendojnë se ai ende ka lidhje me të shkuarën ishte e qartë. “Unë prej kohësh e kam mbyllur kapitullin me të shkuarën time, kapitull nga i cili mu desh kohë të kuptoja, sa i fituar dola,” ka theksuar ai, duke shprehur një ndjenjë të fortë të lirisë dhe rritjes personale.
Pas falënderimeve për motrën e tij, Ana Kallakun, për mbështetje në momentet e vështira, Besi ka përfunduar mesazhin e tij me fjalë të ëmbla për partneren e tij aktuale, duke e quajtur atë “shpëtimin e tij”. Kjo tregon se ai ka gjetur një balancë të re në jetën e tij.
“E për ta mbyllur, dua të falënderoj njeriun e zemrës sime, trëndafilin tim në kohë lufte, që më ktheu paqen, buzëqeshjen, shkëlqimin e syve të mi dhe mbi të gjitha versionin më të mirë të vetes sime…” ka përfunduar aktori, duke lënë të gjithë pa fjalë.
Me këtë deklaratë, Besi konfirmon se jo vetëm e ka lënë pas të shkuarën, por ka gjetur sërish lumturinë dhe dashurinë! Kjo është një mesazh i fuqishëm për të gjithë ata që ndjekin jetën e tij dhe një dëshmi se çdo fund është një fillim i ri.
