Celine Dion po përgatitet për një nga rikthimet më të rëndësishme të karrierës së saj pas problemeve serioze shëndetësore që e mbajtën larg skenës.
Këngëtarja 58-vjeçare është diagnostikuar me Stiff Person Syndrome, një çrregullim të rrallë neurologjik që mund të shkaktojë ngurtësim të muskujve dhe spazma. Dion ka treguar se kishte përjetuar simptoma për rreth 17 vite përpara se të merrte diagnozën zyrtare në vitin 2022.
Tani ajo po përgatitet për një seri koncertesh në Paris që nis më 12 shtator. Për t’u rikthyer në formë, Dion po ndjek një program intensiv rehabilitimi: Pilates 90 minuta tri herë në javë, balet dy herë në javë, terapi fizike, terapi vokale dhe trajtime të tjera mjekësore.
Performanca e saj e vetme e madhe gjatë viteve të fundit ishte ajo në Lojërat Olimpike të Parisit më 2024.
Rikthimi i saj në skenë është duke u parë jo vetëm si një rikthim muzikor, por edhe si vazhdim i betejës personale të këngëtares me një sëmundje për të cilën aktualisht nuk ka kurë definitive./Good Morning America/
