Këngëtarja e njohur Dafina Zeqiri ka reaguar me humor ndaj lajmeve të rreme që qarkullojnë në media, të cilat pretendojnë se ajo tashmë ka sjellë në jetë fëmijën e saj.
Në një postim në Instagram Story, Dafina ka publikuar një foto të barkut të saj të rrumbullakosur, shoqëruar me mbishkrimin:
“Sipas disa mediave, unë tashmë kam lindur. Ndërkohë, bebi im është ende këtu brenda , chillin. Po ma bëni ujin me plas përpara kohe .”
Ky reagim i saj jo vetëm që hedh poshtë spekulimet, por njëkohësisht e bën me stilin e saj të veçantë dhe të çiltër, duke e ndarë momentin me ndjekësit e saj me doza humori.
Pas njoftimit të saj mbi shtatzëninë, Dafina ka qenë në qendër të vëmendjes, e veçanërisht për thashethemet që shpesh përhapen në lidhje me jetën e saj personale.
Mediat shpesh përfshijnë figura publike si Dafina në lajmet e tyre, për të tërhequr vëmendjen e publikut, por ky reagim tregon se ajo e menaxhon situatën me marrëdhënie të lehta dhe pozitive. Në vend të frustrimeve, ajo zgjodhi të përdorë humorin për të adresuar situatën e saj.
