Ish-Miss Kosova, Diellza Kolgeci, ka udhëtuar pas në kohë duke ndarë me ndjekësit e saj disa imazhe mjaft të veçanta nga fillimet e karrierës së saj.
Përmes një postimi në rrjetet sociale, Diellza ka publikuar dy fotografi bardhezi, të shkëputura nga periudha kur ishte vetëm 16 dhe 17 vjeçe – njëra nga eksperienca e saj si “Miss Prishtina” dhe tjetra nga një set fotografik për një kompani.
Këtyre imazheve nostalgjike, ajo u ka bashkëngjitur edhe një mesazh të fuqishëm e motivues për ndjekësit e saj, duke u ndalur te rëndësia e pranimit të vetvetes në çdo etapë të jetës:
“Çdo fazë e jetës ka bukurinë e saj, ka ditë të bukura dhe ditë që na sfidojnë, por secila prej tyre na formon dhe na bën më të fortë. Mos e humb kurrë veten në këtë rrugëtim, por mëso ta njohësh, ta pranosh dhe ta duash veten në çdo etapë… Të jesh vetvetja është fitorja më e madhe në këtë kohë ‘moderne’”, ka shkruar mes tjerash Diellza.
Postimi ka marrë menjëherë vëmendjen e ndjekësve dhe figurave publike, të cilët e kanë përgëzuar për bukurinë natyrale dhe elegancën e saj të pashme që e karakterizon ndër vite. /Prive By Liberta Spahiu
