Finesa, motra e Dj Gimbos, ishte e ftuar në emisionin “Fan Club”, ku ndau mendimet e saj mbi lojën e vëllait në “Big Brother VIP 5” dhe raportin e tij me Selin.
Ajo ndau disa detaje interesante që ngjallin kuriozitet për ndjekësit e këtij reality show.
Finesa e pranoi se është e çuditshme dhe ndonjëherë e sikletshme për të parë vëllain e saj të angazhohet me një vajzë. Kjo është hera e parë që ajo e sheh Gimbos në një situatë të tillë, dhe ndjenja e saj është e përzier, duke reflektuar mbi natyrën e marrëdhënieve të tij brenda shtëpisë.
Kur u pyet nëse e shohin Selin si nuse në Kosovë, Finesa u përgjigj me humor, duke thënë se ende nuk e kanë pyetur mamanë e tyre, e cila ka fjalën përfundimtare në këto çështje. Kjo përgjigje nxjerr në pah rëndësinë e familjes dhe traditave në vendimmarrjen e tyre.
Pjesë nga intervista:
Është hera e parë që e shohim Gimbon me dikë, e çuditshme, ndonjëherë edhe e sikletshme për ne me e pa vëllain pas një vajze. Por prapë mirë, e rehatshme përderisa po e vëmë re se po e shijon, nuk po ka sjellje të këqija, ndonjë debat të ashpër. Për ne më e rehatshme kështu.
Po familja çfarë mendon për Selin? Ju pëlqen, është vajzë e edukuar. Bën për nuse në Kosovë?
Nuk kemi pyetur ende, aty vendimet përfundimtare i jep mami, nuk kemi pyetur ende.
Shumë banorë mendojnë se Selin po përdor Gimbon për të ecur në lojë përpara, ti si e mendon këtë pjesë?
Nuk e di ça të them Kiara. Shpesh duket sikur ka situata që mundohet ta nxjerrë veten nga situatat me Gëzimin, pastaj raporti i tyre pas Prime është raporti gjatë ditës që të bën konfuz komplet, sikur çdo gjë shkon rrjedhimisht, natyrshëm, e shijojnë. Duket se janë vetvetja, janë duke e shijuar.
