Një ngjarje e dhimbshme ka tronditur botën e muzikës shqiptare, pasi Mukadem Ismajli, babai i këngëtares së njohur Genta Ismajli, ka ndërruar jetë.
Lajmi i hidhur u bë i njohur fillimisht nga këngëtari Sunaj Saraçi, i cili e shpalli humbjen përmes një postimi në rrjetet sociale. Më vonë, Genta vetë konfirmoi këtë ngjarje të rëndë, duke ndarë ndjenjat e saj me ndjekësit.
Këngëtarja ndau një fotografi të babait të saj, e shoqëruar me një imazh nga fëmijëria, duke i kushtuar atij disa fjalë tejet emocionale që shprehin dhimbjen e saj të thellë.
“Babi im, drita e syve të mi, sot bashkë me ty iku edhe një pjesë e shpirtit tim”, shkruan Genta, duke e bërë të qartë se sa e rëndësishme ka qenë figura e tij në jetën e saj.
Ajo e falënderoi atë për dashurinë e pakushtëzuar, këshillat e mençura dhe përkrahjen e vazhdueshme gjatë gjithë jetës së saj, duke theksuar se do ta ndjejë mungesën e tij në çdo hap dhe sukses që do të arrijë.
“Ti do të jesh përgjithmonë engjëlli im mbrojtës. Pusho në paqe BAB. Të dua dhe do të të dua gjithmonë”, përfundon dedikimi emocional i këngëtares, duke lënë pas një mesazh të fuqishëm dashurie dhe respekti.
Prive By Liberta Spahiu i shpreh ngushëllimet më të sinqerta Genta Ismajlit dhe gjithë familjes për humbjen e njeriut të tyre të dashur. /Prive By Liberta Spahiu.
