Kryeministri në detyrë, Albin Kurti, ka kërkuar nga qytetarët që të dalin e të votojnë sa më shumë.
Përmes një video adresimi pas orës 17:00 Kurti ka kërkuar që të shfrytëzohet e drejta demokratike “për t’i dhënë drejtim të mirë komunave tona dhe të ardhmes sonë të përbashkët”, shkruan Insajderi.
“Kanë mbetur më pak se dy orë nga e drejta jonë për të vendosur për të ardhmen e komunave.Në çdo qytet, në çdo fshat e në çdo lagje, gjithandej nëpër komuna, thirrni familjarët, miqtë dhe të afërmit që të dalim sa më shumë për të votuar. Ta shfrytëzojmë këtë ditë të rëndësishme të demokracisë për t’i dhënë drejtim të mirë komunave tona dhe të ardhmes sonë të përbashkët.
Nga Prizreni në Mitrovicë, nga Gjakova në Gjilan, nga Peja në Ferizaj, e deri në kryeqytetin tonë, Prishtinë, ashtu që të ndihet fuqia juaj në mbarë Republikën”, ka deklaruar Kurti. /Insajderi