Learta Jakupi, reja e këngëtares së njohur të muzikës popullore Shyhrete Behluli, ka ndarë me ndjekësit e saj në rrjetet sociale disa pamje ekskluzive nga shtëpia e tyre e re.
Përmes disa imazheve të shpërndara në InstaStory, ajo ka treguar se punimet janë shumë pranë fundit dhe gjithçka po merr formën e dëshiruar.
Në fotot e publikuara, bie në sy një stil mjaft modern dhe elegant, ku dominojnë ngjyrat e drurit, nuancat e hapura dhe ndriçimi i kuruar në detaje.
Kuzhina dhe pjesa e ambientit të ditës duken pothuajse gati, të pajisura me mobilie me dizajne bashkëkohore dhe mermer që i shton luks hapësirës.
Në një tjetër postim ajo ka ndarë edhe pamje nga shkallët e brendshme të shtëpisë, të cilat gjithashtu janë nga druri.
Në këtë fole të re dhe komode, Learta pritet të jetojë së shpejti bashkë me familjen e saj. /Prive By Liberta Spahiu
