Ish-banorja e “Big Brother VIP 5”, Edisa Demollari, ka ndarë me publikun detaje interesante rreth jetës së saj personale dhe profesionale gjatë një interviste në emisionin “She’s On Air” në Top Albania.
Gjatë bisedës, Edisa zbuloi se pushimet e saj të para pas përfundimit të aventurës në shtëpinë më të famshme të Shqipërisë ishin një përvojë e veçantë, e cila u realizua me familjen e saj.
Kur moderatorët e emisionit e pyetën nëse kishte kaluar këto pushime luksoze me djalin që po njihte, ajo sqaroi se jo, por se kishte preferuar të kalonte kohë me ata që i janë më të afërt.
Pjesë nga intervista:
“Unë në fakt doja të shkëputesha pak nga puna, nga moderimi, nga lodhja, doja thjesht të kthehesha pak tek ato pushimet. Te pushimet që ishin goxha luksoze. Para disa kohësh në “Trotuar” ti ke thënë një deklaratë që ke qenë në një njohje me një djalë që ishte më i vogël në moshë se ty. Ishe me atë me pushime?”
“Jo.”
Po pse?
“Familja e para. Pushimet e para që bëra ishin totalisht me familjen. E kisha shumë të nevojshme. Nuk e di nëse u ka ndodhur vajzave të tjera, por kur dola nga Big-u sikur u mbylla pak, disa ditë, doja të rrija në shtëpi. Duke qenë se aty brenda sado duket si eksperiencë e bukur dhe është, por ke një lodhje mendore duke u marrë me shumë njerëz. Pushimet me të shtëpisë u kënaqa shumë.”
Ishte një dhuratë që ia bëre vetes dhe familjes?
“Po patjetër sepse e meritonin. Unë vetë nuk kam mbajtur shumë stres për pjesën e Big-ut, por familjarët janë ata që mbajnë të gjithë peshën.”
