Napoli ka arritur të rikthehet te fitorja, duke mposhtur Atalantën me rezultatin 3-1 në stadiumin “Diego Armando Maradona”. Kjo ndeshje, e vlefshme për javën e 12-të në Serie A, ka qenë një shfaqje e fuqishme nga skuadra vendase, e cila tani ngjitet në vendin e parë në renditje.
Protagonisti kryesor i ndeshjes ishte David Neres, i cili shënoi dy gola në pjesën e parë. Goli i tij i parë erdhi në minutën e 16-të, pas një pasimi të saktë nga Rasmus Hojlund, ku Neres shfrytëzoi mundësinë për të dërguar topin në rrjetë me një goditje të lehtë.
Goli i dytë i Neres erdhi në minutën e 38-të, pas një asistimi nga Scot McTominay. Me një goditje të fuqishme brenda zonës, ai shkundi rrjetën për herë të dytë, duke e bërë rezultatin 2-0 për Napolin. Por kjo nuk ishte e gjitha, pasi Noa Lang trefishoi shifrat me një gol të bukur me kokë në fund të pjesës së parë.
Atalanta e nisi më mirë pjesën e dytë, duke gjetur golin me Gianluca Scamacca, i cili kishte hyrë në lojë në fillim të kësaj pjese. Scamacca shënoi me një goditje akrobatike, pas një asistimi të Raul Bellanova, duke ngushtuar diferencën në 3-1.
Megjithatë, Napoli mbajti kontrollin e lojës dhe nuk lejoj asnjë mundësi tjetër për Atalantën që të rikthehej në ndeshje. Kjo fitore e rëndësishme i jep Napolit 25 pikë dhe një vend të sigurt në krye të renditjes.
Rafaelle Palladino, trajneri i ri i Atalantës, e nisi aventurën e tij me një humbje të dhimbshme, duke treguar se ka shumë punë për të bërë me këtë ekip. Pas largimit të Gian Piero Gasperini, Atalanta duket se po kalon një periudhë sfidash të mëdha.
Napoli, nga ana tjetër, ka treguar se është një skuadër e fortë dhe e vendosur për të mbajtur titullin. Me një formë të shkëlqyer dhe lojtarë të talentuar, ata janë të gatshëm për të përballuar çdo sfidë që do të vijë.
https://www.goalstube.online/2025/11/napoli-atalanta.html